UNICEF: Mîyanê 10 serran de 115 mîlyon domanê lajek ameyî zewecnayene 

2019-06-08 15:40:21


	 

	MERKEZÊ XEBERAN - Goreyê raporê UNICEFî hûmara zewacê domananê lajekan resaya 154 mîlyon î. Dîrektora Pêroyî ya UNICEFî Henrietta Fore derheqê babete de daye zanayene ke tena domanê kêna nê domanê lajekî zî bi zorî yenî zewecnayene.

	 

	Fonê Hetkarîya seba Domanan ya Neteweyê Yewbîyaye (UNICEF) derheqê domanê ke bi zorî yenî zewecnayene de raporêk eşkera kerd. Goreyê raporê UNICEFî hûmara zewacê domananê lajekan resaya 154 mîlyon î. Domanê kêna zî tede de pêro-pîya 765 mîlyon domanî bi zorî ameyî zewecnayene. Sewbîna raporo ke ame eşkerakerdene de dayeyê Tirkîye nêame dayene.

	 

	Rapor de ame dîyarkerdene ke Komarê Afrîkaya Mîyanenî de se ra 28ê domananê lajekî yenî zewecnayene. Badê Afrîka, welatê Nîkaragua û Madagaskarî de hûmara zewacê domananê lajekan zêde ya. 

	 

	Dîrektora Pêroyî ya UNICEFî Henrietta Fore derheqê babete de daye zanayene ke tena domanê kêna nê domanê lajekî zî bi zorî yenî zewecnayene. Henriettaye dîyar kerde ke qasê ke domanê kêna zehmetîyan ancenî, domanê lajekî zî eynî zehmetî û probleman ancenî.