Doktor Elîf Tûran: Dimayê grevî ganî heyetêke xoser rewşa çalakwanan taqîb bikero 

2019-06-06 11:29:08


	 

	AMED - Endama TTBî Elîf Turane dîyar kerde ke dimayê grevê vêşanîye heyetêke awan kerdê, waştê şorê nêwaşxane û hepisxaneyan la nêeşkayî hepsîyan dir pêvînayîş bikerê û wina va: "Semedo ke no proses baş aver şoro, ganî kedkarê weşîye ê xoser beşdarê prosesî bibê."

	 

	Hepsîyê ke bi waştişê wedartişê tecrîdî kewtibî grevê vêşanîye û rojeyê mergî, dimayê vengdayîşê Rayberê PKKyî Abdullah Ocalanî peynî çalakîya xo ardî. Dimayê ke grev peynî bî, xeylê kesan berdî nêweşxane û xeylê xo hepisxaneyan de ameyî dermankerdene. Sewqkerdişê nêweşxaneyî de heqê hepsîyan ame îhlalkerdene. Şîyîş û ameyîş de hepsî rastê derbkerdişê cendirman û gardiyanan ameyî. Baroyê Amedî, OHD, ÎHD, TIHV, TTB, SES û TUAY-DER mîyan de, roja ke grev peynî bi krîzê masa awan kerdî û proses taqîb kerdî.

	 

	Endama TTBî doktor Elîf Turane îhlalkerdişê heqan şîrove kerde. Elîfe va no proses înan nizdî ra eleqedar keno û wina va: "Ganî tîya ra tepya çîyêke kono serê milê ma bikerê. No proses binê berpirsîyarîyê Wezaretê weşîye û pêro hekîman de yo. Semedê xesarê mende û seqet nêvirazîyê ganî dermankerdiş baş bêrê kerdene. Ganî tahlîl û tetkîk bêrêkerdiş. Kesê ke sera 10 giraniyê xo vindî kerdê ganî nêweşxane bêrê tedawîkerdiş."

	 

	'Ganî grev bi ekîb bêrê taqîbkerdene'

	 

	Elîfe da zanayîş ke dermankerdişêke şaş eşkeno vernîya seqetî abikero û wina va: "Nêwaşîya Wernîke Korsakoff eşkena biba sebebê na nêweşîye. Kesê ke grev de yê seba ke wextêke derg çîyêk nêwerdê sîstemê sîndiremî de xirabîyayîş vejîyenê meydan. Ganî seba nê dermankerdişêke diyet bêrê kerdene. Ganî bi ekîbêke multî-dîsîplînel bêro meydan.”

	 

	'Ganî çîyê konserve û sûrkerdene dûr bikewê'

	 

	Elîfe heto bîn ra da zanayîş ke ganî werdê bi rûn, baharat, gaz, şekir dûr bikewê û wina va: "Ganî werdê amade, konserveyan ra dûr vinderê. Werdê ke awe de ameyê girnayîş biwerê. Ganî sebze baş bêrê pewitiş. Heta vîtamînê B1 nêrê dayîş ganî dest bi awa şekir nêkerê. Ma heyetêke xoser awan kerd la no heyet nêeşka bikewo zindan û nêweşxaneyan. Seba no proses baş bimeşo ganî heyetêke xoser ê kedkarê weşîye ameyê meydan beşdarê proses bibê. Ma do heta peynî taqîbkerdoxê dewa bibê."