Bi sebebê cesaret dano rojname nêdanê sîyasetmedaran

2019-06-05 09:24:27


	 

	Şehrîba Aslan

	 

	KOCAELÎ - Zindanê Tîpê F yê Hûmar 1 ê Kocaelî bi sebebê ‘cesaret dano’ rojnameyê ‘Yenî Yaşam’ nêdanê hepsîyê ke kewtê grevê vêşanîye. Ame îdiakerdiş ke dimayê grevî do rojname bidê hepsîyan la avûkatan va hîna rojname nêdayê.

	 

	Grevê vêşanîye ke bi amancê wedartişê tecrîdê serê Rayberê PKKyî Abdullah Ocalanî hetê hepsîyan ra ame destpêkerdiş 26ê Gulane de bi vengdayîşê Abdullah Ocalanî dir peynî kerdî.

	 

	Dimayê ke grev ame destpêkerdiş Serekê Heyetê Perwerdeyîyê Mudirê Sazgehê Înfazê Ceza ê Asayîşê Berz yê Tîpê F yê Hûmara 1 ê Kocaelî nameyê hîn sîyasetmedaran dîyar kerd ke rojname nîno dayene. Kesê nameyê înan ame dayene wina yê: Edîbe Şahîn, Aysel Tugluk, Sînan Yîgît, Îbrahîm Kaya, Selman Çetîner, Sirri Sureya Onder, Fetullah Akpulat, Resmiye Vatansever, Denîz Tepelî  û hemsereka DBPyî Sebahat Tuncele.

	Îdarekarê zindanî dîyar kerdib ke rayîrê îtîrazî akerdeyo, la ame zanayîş ke xeylê îtîrazî ameyê kerdiş zî nêameyê qebulkerdene. Eynî wextî de pêwa peynîkerdişê grevan, avukatan va ke hîna rojname nêdayê sîyasetmedaran.