Derheqê cinîyanê hepsî yê Zîndanê Amedî de tehqîqat dîya destpêkerdene 

2019-06-03 13:43:14


	 

	AMED - Rayîrberîya zîndanê derheqê cinîyanê hepsî yê ke Zîndanê Tîpa Eyî yê Amedî ra sewqê Zîndanê Cinîyan yê Tîpa Tyî yê Amedî bîyî de bi mehneya deryan vatî û propagandaya rêxistine kerdî de tehqîqat daye destpêkerdene.

	 

	Grevê vêşanîye ke bi serkêşîya Hemsereka Kongreya Komela Demokratîke (KCD û Parlementera Partîya Demokratîke ya Şaran (HDP) ya Colemêrgî Leyla Guvene dîya destpêkerdene, yê bi hezaran hepsîyanê sîyasî û rojeyê mergî yê 30 hepsîyanê PKK û PAJKî badê vengdayîşê Rayberê PKKyî Abdullah Ocalanî peynî bîyî. Badê ke çalakî peynî bîyî derheqê cinîyanê hepsî yê ke Zîndanê Tîpa Eyî yê Amedî ra sewqê Zîndanê Cinîyan yê Tîpa Tyî yê Amedî bîyî de bi mehneya deryan vatî û propagandaya rêxistine kerdî de tehqîqat dîya destpêkerdene.

	 

	Derheqê tehqîqatî de ame zanayene ke ganî hepsî mîyanê 3 rojan de pawitişê xo bikerî. Sewbîna ame zanayene ke eke hepsî mîyanê 3 rojan de pawitişê xo nêkerî, yenî o mana ke heqê xo yê pawitişî ra fek vera dayî.