
Hepsî kawişanê hepsîyan yê nêweşxane de yenî tedawîkerdene 

2019-06-01 13:28:58


	&nbsp;

	AMED - Çalakgera grevê vêşanîye ya bi nameyê Servet Kayaya ke Nêweşxaneyê Cigêrayîşî û Perwerdeyî yê Gazî Yaşargîlî yê Amedî de ameyêne tedawîkerdene taburcu bîye û sewbîna hepsîyêk seba tedawîkerdişî ardî nêweşxane.

	&nbsp;

	Badê vengdayîşê Rayberê PKKyî Abdullah Ocalanî çalakîyê grevê vêşanîye û rojeyê mergî peynî bîyî. Peynîbîyayîşê çalakîyan ra dima hepsî yew bi yew yenî tedawîkerdene û tedawîya hepsîyan hema zî dewam keno.&nbsp;

	&nbsp;

	36 hepsîyê ke Zîndanê Padaye yê Cinîyan yê Tîpa Dyî yê Amedî ra seba tedawîkerdişî sewqê Nêweşxaneyê Cigêrayîşî û Perwerdeyî yê Gazî Yaşargîlî yê Amedî ameybî kerdiş ra 35ê ci taburcî bîyî. Çalakgera grevê vêşanîye ya bi nameyê Servet Kayaya ke ameyêne tedawîkerdene ewro taburcu bîye û sewbîna hepsîyêk seba tedawîkerdişî ardî nêweşxane. Badê taburcubîyayîşê Servet Kayaye qata 10. ke tedawîya aye ameyêne kerdene şarî rê ame akerdene.&nbsp;

	&nbsp;