Bi rayîrê deyîranê xo dej û têkoşînê şarê Efrînî dinya rê neql kenê  

2019-06-01 12:11:17


	 

	Hesna Muhemed

	 

	ŞEHBA - Domana bi nameyê Fatma Hesena ke qezaya Bilbilî yê Efrînî ra ya û nika zî Kampa Serdemî yê qezaya Ehdasî yê Şehba de cuyena û xoverdayîşê xo dewam kena, qisey kerde û va: "Ma bi rayîrê deyîranê xo dejê şarê Efrînî dinya rê neql kenê."

	 

	Domana bi nameyê Fatma Hesena 11 serrî ke bi rayîrê deyîranê xo xoverdayîşê serdemî ana ziwan û va: "Ma Efrîn de 58 rojan xoverdayîşê xo dewam kerd, la dewleta Tirkan doman û embazê mi qetil kerdêne coka ma koçberê Şehbayî bî"

	 

	'Kultur bîyayîşê şarî yo'

	 

	Fatma serê cuya xo da qisey kerde û va: "Cuya mi weş derbaz bena, ez şina wendegehê xo, dima ra ez û embazê xo şinê Merkezê Kultur û Hunerî yê Kampa Serdemî seba bimusê kulturê xo yo. Çimkî kultur bîyayîşê şarî yo."

	 

	'Ma xoverdayîşê xo dewam kenê seba ageyrayîşê Efrînî'

	 

	Fatma serê waştişê xo yê deyîran qisey kerde û va: "Nêzdî 5 aşman ez deyîran musaya, maye û mamosteyê mi piştdayîş dayî mi ke ez waştişê xo bi ca bîyarî. Seba nê ez rojane dimayê wendegehî şina sinefe xo deyîran musena, nameyê koma ma zî 'Umîdê Serdemî' ya."

	 

	'Bi rayîrê deyîran ma xoverdayîşê Efrînî bi dinya dir pare kenê'

	 

	Fatma tewr peyîn qalê musayîşê deyîranê xo kerde û qiseykerdişê xo wina qedêna: "Waştişê min ê vatişê deyîran zaf pîl o. La waştişê min ê agerayîşê Efrînî tewr pîl o. Coka ma bi rayîrê deyîranê xo dinya rê dej û têkoşînê şarê Efrînî pare kenê, ma do zî bi deyîran û kulturê xo Efrîn bi xelisnê, Efrîn ê domanan o."