'Wexto ke ma xoza rê wayîr vejîyê do xoza zî wayîrê ma vejîyo' 

2019-05-30 14:04:17


	 

	Sara Efrîn

	 

	HELEB - Cinîya bi nameyê Werda Elî Ismayîla ke xoza ra hes kena û keyeyê xo de baxçeyêke bi keda destê xo awan kerda û wina va: "Xozaya weş û pak seba weşîye merdiman zaf baş a. Mi baxçeyêke xo rê awan kerd û eynî wextî de ez heywanan zî wayîr kena. Wexto ke ma wayîrê xoza vejîyê, do xoza zî wayîrê ma vejîyo."

	 

	Maya bi nameyê Werda Elî Ismayîla 47 serrî taxa Şêx Meqsûdî yê bajarê Helebî cuyena, semedo ke rewşa şer û gengeşeyê Sûrîye bajarê înan ame wêrankerdiş. Werdaye bi domananê xo dir baxçeyêke keyeyê xo de viraşt û temamê rengê vil û zîyan mîyanê baxçeyî de hewênayê. Werdaye da zanayîş ke xoza parekerdiş zî seba merdiman dana musayîş û wina va: "Baxçeyê xo de ma û cîranê ma kom benê û ma yewbînan dir parekerdişê germ kenê. No zî beno sebebê têkilîyê mabêne ma de zî xurt bibo."

	 

	'Xozaya weş û pak seba weşîye merdiman zî zaf baş a'

	 

	Werdaye arde ziwan ke wexto ke bajarê înan ameyo wêrankerdiş aye zaf xemgîn bîya û wina va: "Semedo ke sebebê şer ê mintiqa, bajarê ma pêro ame wêrankerdiş, parkê ma nêmendî. La mi û domananê mi pîya baxçeyêke qij viraşt û temamê cîran yenê û ma kom benê. Baxçeyê ma de pêro rengê vilan estê û ez her wext vilanê neweyan remnena. Semedo ke xozaya weş û pak seba weşîye merdiman zî zaf baş a."

	 

	'Xoza û heywanî gerek bêrê pawitiş' 

	 

	Werdaye da zanayîş ke aye heywenan zî wey kena  û wina va: "Semedo ke ez bi xoza dir zaf girêdayeya û heskerdişê mi ci rê esto, ez heywenan zî wey kena. Berardişê nê heywenan zî zaf o, ez feyde ci ra gêna. Her siba rew şina mîyanê heywenanê xo. Ê zî zaf ma ra hes kenê. Xoza û heywanî ganî bêrê pawitene."

	 

	'Xoza çinbo ma zî çin ê' 

	 

	Kênaya Werdaye Sozdar Elî zî wina va: "Bi ramitiş cuya ma hîna weş û geş bî. Her roje mîyanê zîyan de geyrena, awe dana. Ramitiş dir ma cuyêka newe awan kerda. Ma xoza û pawitişê xoza ra zaf hes kenê. Çimkî xoza çinbo ma zî çin ê."