Semedê cinîyê ke Zindanê Mêrdînî cezaya pêvînayîş ame dayene 

2019-05-29 15:06:50


	 

	MÊRDÎN - Dimayê îzahatê grevê vêşanîye merdimê hepsîyan yê ke şî Zindanê Girewteyê Tîpê E yê Mêrdînî pêvînayîş nêkerdî. Keyeyan neql kerd ke aşmêke cezaya pêvînayîşî semedê hepsîyê cinîyan ameya dayene.

	 

	Grevê vêşanîye seba peynîkerdişê tecrîdê serê Rayberê PKKyî Abdullah Ocalanî amebi destpêkerdiş û bi îzahat amebi peynîkerdiş. Dimayê ke grev peynî bi hepsî sewqê nêweşxane amebi kerdiş. Ame dîyarkerdiş ke aşmêke cezaya pêvînayîşê seba hepsîyê cinîyan ame dayene.

	 

	Heyetê taqîbkerdiş seba grevê vêşanîye Parlamentera HDPyî ya Mêrdînî Tuma Çelike şî zindan û bi mudir pêvînayîş ame kerdene. Goreyê zanayîşê ke ameyî bidestkerdiş roja yewşeme heta nika 4 ci ra cinî 8 hepsî berdî nêwaşxane û verê ke karê înan ê tedawîkerdiş bêro kerdene, înan reyna ardê zindan. Heto bîn ra keyeyan dîyar kerdî ke moralê hepsîyan baş bi. 

	 

	Zanayîşê keyeyan ke şî zindan, vizîr seba hîn cinîyê hepsî aşmêke cezaya pêvînayîşî ameya dayene. Sebebê cezaya pêvînayîşî nêame zanayene.