Seba sazgehê ke ameyê padayîş alternatîf: Keyeyê Muzîkî yê Tûrik 

2019-05-29 14:21:27


	 

	MÊRDÎN - Qoser de dimayê sazgehê kulturî ameyî padayîş dima, mamostayê muzîkî ameyî têhet û Keyeyê Muzîkî yê Tûrik akerdî. Mamosta Saîma Aburşu hedefê keyeyê muzîkî wina vatî: Ma hewl danê ke warê kultur û hunerê tîya pîl bikerê. Ma hewl danê bi qursê ke akenê xo biresnê wendekaran."

	 

	Çarçeweya OHALî de bi KHKyî ameyî vetiş, 2016an de qayûm tayînê şardarîyan ame kerdiş û merkezê cinî û kulturî girewtî. Mamosta û qursîyerê ke merkezê înan ameyî padayîş. Sere nêtewênayî û kewtî mîyanê hewldayîşî, alternatîfê newe awan kerdî. Qezaya Qoserî yê Mêrdînî zî Keyeyê Muzîkî yê Tûrik ame awankerdiş û yew alternatîfê girîng o.

	 

	Dimayê tayînkerdişê qayûm sazgeh yew bi yew ameyî padayîş û xebatê kultur û huner zî ameyî vindertiş. Serrêke verê mamosteyê muzîkî ameyî têhet û ekîbe bi îmkanê xo cayêke newe akerd. Kîrayê merkezî ra bigî heta pêro lazimîyê mamosteyan peyda kerd û ciwanî eleqeyêke pîl ramojnenê.

	 

	'Dimayê qayûm xebatê ma vila bî'

	 

	Mamosteya erbanî Saîme Aburşu da zanayîş ke aye bi serran o xebatê kultur û huner de ca gêna û wina va: "Ma serrêke verê tîya akerd. Ma qursê gîtar, saz, keman, erbane danê. Semedo ke kulturê ma vindî nêbo, eleqeyê ciwananê ma vindî nêbo ma tîya akerd. Dimayê qayûm xebatê ma vila bî. Ma zî qerar da ke ma tîya abikerê. Ma xebatanê xo ra dûr nêkewtî.

	 

	'Hedefê ma o yo ke ma tewr zêde wendekaran bîyarê têhet'

	 

	Saîmeye da zanayîş ke hedefê înan o yo ke cayêke tewr pîl zafê wendekaran dir bêrê têhet û wina va: "Ma bi keda xo tîya akerd. Wexto ke ma ameyî çîyêk çinbi. Pêro çî ma awan kerd. Ma serrêke yo xebate meşnenê. Qursê ma estê. Ma hewl danê ameyox de hûmara xo zêde bikerê. Hedefê ma estê."