'Dewleta Tirkan îslam goreyê berjewendî û îqtîdarê xo analîz kerda'  

2019-05-28 14:26:11


	 

	Ronîda Hacî/Sorgul Şêxo

	 

	HESEKÊ - Îdarekara Sazgehê Dînî Gulnaz Mihemed Osman hêrîşê Dewleta Tirkan yê Efrînî şîrove kerde. Gulnaze va ke qetî do gunayê domanan, cinî û ciwanê Efrînijan veng nêşoro û dewleta tirk do bedelê ci bida." 

	 

	Dewleta Tirk tewr zêde serrêke û 2 aşmî yo vera şarê Efrînî pêro rengê îşkenceyî kena. Xozaya Efrîn ra bigî heta qirkerdişê merdiman û vurnayîşê demografiyê mintiqa zî kerda û dewam kena. Hemverê citkarê Efrînî pereyêke pîl genim û zeyîtûnan wazenê. Derheqê babete de Îdarekara sazgehê Dînî ê Qezaya Til Temirî Gulnaz Mihemed Osmane qisey kerde.

	 

	'Dewleta tirk îslam goreyê berjewendî û îqtîdarê xo analîz kerda'

	 

	Gulnaze hêrişê dewleta tirkan şermezar kerde û wina va: "Erdogan û komê girêdayê xo muhtewayê îslamî yê rast qelibnayo û bi komelê xo dayo qebulkerdene. Îslam tena goreyê berjewendî û îqtîdarê xo vera şarê mintiqa, xebitneno. Maddeya tewr qels ê bi merdiman dir dîn o."

	 

	'Kesê musluman merdiman qetil nêkenê û herra kesî îşxal nêkenê'

	 

	Gulnaze va ganî kesê musluman kiştiş, qetîlkerdiş û çîyê bêexlaqî nêkero û wina va: "Kesê musluman ganî berê xeyran merdiman rê nêgîro, darê ke merdim înan ra feyde gêno nêbiro, ganî vatişê xirab vera kesan nêrê xebitnayîş. Efrînî serê herra xo de bî û cuya xo bi hizur dewam kerdêne. Erdogan to înan ra çi waşt?"

	 

	'Erdogan û DAIŞî îslam seba xo xebitnayî'

	 

	Gulnaze kerdişê çeteyê DAIŞî û dewleta tirkan ano têhet û va: "Dewleta tirk DAIŞ ra dûr nîya, semedo ke DAIŞ zî sey Erdoganî yo û nameyê îslamî sîya kenê. Pêro çewtiyê xo binê nameyê Îslamî de serê cinîyan de kenê. Ma zî sey Îslamê Demokratîk hewl danê îslam bivurnê cewherê ci."

	 

	'Yewîya xo awan bikerê'

	 

	Gulnaze veng da şarê herême ke yewîye awan bikerê û wina va: "Ganî her kes manaya îslamî baş fam bikero taybet tirkiya ya. Yewîya xo awan bikerê rayîr verbi rijnayîşê komelî bigîrê û kesê musluman wa Îslam rast bicuyê."