14 xoverdayoxanê Strasbourgî grevê vêşanîye qedîna 

2019-05-26 16:06:32


	 

	STRASBURG - 14 çalakgerê ke 161 rojî yo Strasbourg de vera tecrîdkerdişê Rayberê PKKyî Abdullah Ocalanî grevê vêşanîye de yê, bi eşkerayêka çapemenîye da zanayene ke înan çalakîya xo qedînaye.

	 

	14 çalakgerê ke 17ê Kanûne 2018 de vera tecrîdkerdişê Rayberê PKKyî Abdullah Ocalanî dest bi grevê vêşanîye kerdîbî, çalakîya qedînaye.

	 

	Dimayo ke avûkatanê Ocalanî peyamê Ocalanî eşkera kerd, çalakgeranê Strasbourgî zî eşkerayîyêk daye çapemenîye û da zanayene, înan grevê vêşanîye qedêna. Bi desan kesanê ke bajaranê cîyayan ê Ewropa ra tewrê kombîyayîşê çapemenîye bîyî û bi nameyê çalakgeran Hemserokê KCDK-Eyî Yuksel Koçî eşkerayîye daye. Koçî da zanayene, grevê vêşanîye yo ke 17ê Kanûne 2018 de dest pêkerd çalakîyêka tarîxkî ya û va: “Serek Apo, heskerdiş û hurmetê ma seba to bêpeynî yo, heta bi heta zî do dewam bikero.” 

	 

	Dimayê Koçî Sarikaya qisey kerd û va: “Ma prosesêkê muhîmî û tarîxkî  de yê. Qonaxêko muhîm hemleya xoverdayîşî xo pey de verda.”