Îran de 30 kesê ke Yoga kerdêne ameyî tepiştene 

2019-05-25 16:36:23


	 

	MERKEZÊ XEBERAN -  Îran de 30 kesê ke cinî û camêrdan ra pê ameyêne wexto ke Yoga kerdêne ameyî tepiştene.

	 

	Goreyê medyaya  Îranî mamosteyê Yoga zî tede 30 kesê ke cinî û camêrdan ra pê ameyêne wexto ke Yoga kerdêne ameyî tepiştene. Na xebere medyaya komelkî ser de raştê reaksîyonan ameye. Bajarê Gorganî de keyeyêk de perwerdeyê Yoga ameyêne dayene. Îran de sporo ke cinî û camêr pîya tedebî qedexeyo.

	 

	 Goreyê xebera Ajansê Xeberan ya Tasnîmî yî, Wezîrîyê Edaletî yê Bajar derheqê babete de vato: “Kesê ke tewrê perwerde bîyî kinc û bergê înan ca de nêbî.”

	 

	Hetobîn ra Îran de perwerde û sporo ke bedenê merdimî ser de yeno kerdene qedexe yî. Serra 2017î de hetê rayîrberîya sporî ya Îranî ra xeylê perwerdeyê ke kewenî kategorîya dansî bi mehneya goreyê bawerîya Îslamî nîyî ameyî qedexekerdene.