Çalakîya rojeyê mergî roja 24ine de ya 

2019-05-24 13:49:19


	 

	MERKEZÊ XEBERAN - Çalakîya koma yewin ê zindanan seba wedartişê tecrîdê Raberê PKKyî Abdullah Ocalan ser o ame destpêkerdiş, roja 158in de dewam keno. Heto bîn ra rojeyê mergî 15 hepsîyan da destpêkerdiş zî roja 25ine de ya. 10ê Gulane de 15 hepsîyê bîn zî dest bi rojeyê mergî kerdî û roja 14inde dewam kenê.

	 

	Hepsîyê ke bi amancê wedartişê tecrîdê serê Rayberê PKKyî Abdullah Ocalanî kewtî grev, çalakîya xo derbazê sewîyeyêka bîn kerdî û 30ê Nîsane de çalakîya rojeyê mergî dayî destpêkerdene. Zindanê sey Amed, Wan, Bakirkoy û Gebzeyî de 5 ci ra cinî komî de 15 hepsî kewtî çalakîya rojeyê mergî û çalakîya înan kewte roja 25ine. Hepsîyê ke vera bêvengîya selahîyetdarê dewlete û bêhîsgêrî, çalakî vurnayî rojeyê mergî wina vatî: "Yê ke qêrînayîşê xoverdayîşê ma ke berz beno, nêeşnawenê û nêvînenê ganî reyke derheqê merdimayî xo de cigêrayîş bikerê. Ma do qetî xoverdayîşê xo bi serkewtiş tacîdar bikerê û serkewte bibê."

	 

	Hepsîyê ke nika rojeyê mergî de yî ra zafê ci verê zî kewtbî grevê vêşanîye.

	 

	Hepsîyê ke nika rojeyê mergî de yî :

	 

	Asli Dogan: Qezaya Karakoçan ya Elezîzî de ameya dinya. 36 serrî ya. 19 serrî ceza girewta. 14 serrî yo ke zîndan de ya. nika Zîndanê Cinîyan yê Gebze de ya.

	 

	Zozan Çîçek: 1992î de bajarê Amedî de ameya dinya. 9 serr û 9 aşmî ceza girewta. 3 serrî yo ke Zîndanê Bakirkoyî yê Cinîyan de ya.  1ê Adare de zî grevê vêşanîye de bî.

	 

	Nesrîn Akgul: Qezaya Gimgimî ya Muşî de ameya dinya. 15ê Çeleyî de tewrê grevê vêşanîye bîya. 2008an ra nata tewqîfkerde ya û 18 serrî ceza aye rê ameya birnayene. Nika Zîndanê Bakirkoyî yê Cinîyan de ya.

	 

	Şukran Aydin: Erziromî ra ya û 22 serrî ya xo de Dîlok de ameya tepiştene, raştê îşkence ameya û 12 serrî yo ke tewqîfkerde ya. 130 serrî ceza dîyaya aye. Şukrane nika Zîndanê Bakirkoyî yê Cinîyan de ya.

	 

	Ardil Çeşme: Qezaya Licê ya Amedî de ameya dinya. 1994î de cezaya muebetî aye rê ameya birnayene. Zîndanê Cinîyan yê Gebze de 1ê Adare de tewrê grevê vêşanîye bîye.

	 

	Ahmet Topkaya: Zîndanê Tîpa Dyî yê Amedî de yo. 1ê Adare de grev de bî.

	 

	Ferhat Turgay: Zîndanê Tîpa Dyî yê Amedî de yo, cezaya muebetî girewto û tewrê rojeyê mergî bî.

	 

	Ergîn Akhan: Muşî ra yo. 2015î de Amedî de ameyo tepiştene û Zîndanê Tîpa Dyî yê Amedî de yo.

	 

	Enver Donmez: Qezaya Wêranşarî ya Riha ra yo. Zîndanê Tîpa Dyî yê Amedî de tewqîfkerde yo. 1ê Adare de kewtbî grevê vêşanîye.

	 

	Abdulhalik Kaplan: Qezaya Licê ya Amedî ra yo, Zîndanê Tîpa Dyî yê Amedî de  tewqîfkerde yo.

	 

	Îhsan Bulut: Zîndanê Wanî de yo. 23ê Sibatê de kewt grev vêşanîye û rojeyê mergî de yo.

	 

	Ahmet Anigi: 26 serrî yo. Zîndanê Wanî de tewqîfkerde yo. 1ê Adarê de grevê vêşanîye de bî.

	 

	Ozhan Ceyran: Zîndanê Wanî de yo. Nika rojeyê mergî de yo.

	 

	Vedat Ozagar: Zîndanê Wanî de tewqîfkerde yo. Nika rojeyê mergî de yo.

	 

	Erol Çelîk: Zîndanê Wanî de tewqîfkerde yo. Nika rojeyê mergî de yo.

	 

	15 hepsîyê bîn dest bi rojeyê mergî kerdî

	 

	Heto bîn ra hepsîyê PKK û PAJKî bi îzahatêke dayî dîyarkerdene ke 10ê Gulane de do 15 hepsîyê bîn zî dest bi rojeyê mergî bikerê û na çarçewa de 15 hepsîyê bîn dest bi rojeyê mergî kerdî. Nameyê kesê ke koma 2in de rojeyê mergî de ca girewtî wina yê:

	 

	"Zîndanê Kandara

	 

	Yaşar Cîbaş, Mûhammed Înal, Diyadin Akdemîr, Engîn Kahraman.

	 

	Zîndanê Tîpa Fyî yê Bolu

	 

	Îbrahîm Dogan, Ahmet Emîn Eren, Mûstefa Taşan.

	 

	Zîndanê Patnosî

	 

	Sena Efe, Bûrhan Şik, Faysel Atak, Şefîk Kayhan.

	 

	Zîndanê Tekîrdagî yê Hûmara 1

	 

	Reşad Ozdîl.

	 

	Zîndanê Tekîrdagî Hûmara 2

	 

	Zekî Bayhan, Yilmaz Yildiz.

	 

	Zîndanê Asayîşo Berz yê Wanî

	 

	 Saît Ozturk. "