Seba goristano ame texrîbkerdene, seba emnîyetî waştişname 

2019-05-24 13:35:59


	 

	MÊRDÎN - Goristanê Hacecî yê wextê qedexeyê tebervejîyayîşê kuçeyan ê Nisêbînî de ame texrîbkerdêne, bi 3 serrî yo bendeyê tamîratî yo. Emniyetî bi sebebê ‘asayîş' destûr nêdano hemwelatî bikoyê goristan zî. Şaredarîya Nisêbînî zî seba tamîratê goristanî, waştişname da Mudirîyetê Emniyetê Qeza.

	 

	Nisêbînê Mêrdînî de wextê qedexeyê tebervejîyayîşê kuçeyan de pêrodayîşê ameyî cuyayîş de Goristanê Hacecî ya taxa Zeynel Abîdîn de netîceyê bombebaranî de amebi texrîbkerdiş. Bi 3 serrî yo zî bi sebebê qedexeyê destûr seba tamîratî nînê dayîş. Kerrayê goran parçe bîyê û eynî wextî de gorê aydê endamê YJA-STAR û HPGyî zî estê.

	 

	Goristan bi sebebê asayîşê nînê tamîrkerdiş

	 

	Emniyet nêverdeno şar bikewo goristan û gor bêrê tamîrkerdiş û eynî wextî de nêverdenê cenaze zî bêrê definkerdiş. Sey sebeb zî ‘asayîş’ û ‘beno ke bomba estbê' yenê ramojnayîş. Destpêkê goristanî de kamera mobeseyî ameyî bicakerdiş û bi wesayîtê zirxî 24 saet yeno taqîbkerdiş. Hemwelatîyê verê waştibî ke goristanan tamîr bikerê ameybî derbkerdiş.

	 

	Şaredarî rê waştişname

	 

	Hemşaredarê Nisêbînî zî 31ê Adare de şaredarî qayum ra girewtî, rojê vîyarte de zî şî serdayîşê şî gorastinan. Semedê goran kewtî tevger la asayîşî reyna bi sebebê asayîşî destûr nêda. Hemşaredaran waştişname da Emniyet û hîna cewabê waştişname nêameyo dayîş."