
Walîyê Wanî bi qedexeyanê xo rekor şikneno!  

2019-05-20 14:36:32


	&nbsp;

	WAN - Walîyê Wanî 31ê adare ra dima bajar seba pêro meş, bername û çalakîyan qedexe dano ro. Avukata OHDî Dîlan Kunte qedexe û hêrişê polîsan şîrove kerde û va: "Qedexeyê Walî nîşan dano ke demokrasî welat ra ameyo wedartiş.

	&nbsp;

	Walîyê Wanî dimayê weçînayîşê 31ê adare ra dima pêro çalakî, rayşîyayîşan mabêne 29ê nîsane û 8ê gulane de qedexe kerd. Walî sînorê xo yê 10 rojan derbaz kerd û tewr peyîn qedexeyêke newe ard û pêro bernameyê mabêne 19-28ê gulane de qedexe kerd.

	&nbsp;

	Xeylê bername ameyî qedexekerdiş&nbsp;

	&nbsp;

	Bajar de xeylê bernameyê HDPyî bi sebebê qedexeyî destûr nêdayî. Walî seba mîtîngê 1ê Gulane zî destûrê bi şertî da. Komeleyê Cigêrayîşê Kultur, Ziwan û Hunerî (DÎSA-DER) derheqê 15ê Gulane Roja Ziwanê Kurdî de waşt îzahatêke bido la walî qedexe kerd. Platformê Demokrasî zî bi amancê bale bianco serê grevê vêşanîye waşt îzahatêke Kuçeyê Hunerî bidê la Walî qedexe kerd û polîs zî asteng kerdî.

	&nbsp;

	Avûkatê Komelayê Huqûqnasê seba Azadîye, Dîlan Kunt Ayane qedexeyê seba bernameyan şîrove kerd û dîyar kerde dimayê ke OHAL peynî bîyo, înan vato do prosesêke rehet bicuyê la rastî qedexeyê Walî ameyî û bi taybet nê qedexeyî vera çalakîyan mayê ke nêwazenê domanê înan bimrê, yenê kerdene.

	&nbsp;

	'Seba vernîya beşdarbîyayîşê bernameyan bigîrê wina kenê'

	&nbsp;

	Dîlane qalê bernameyê ke ameyê qedexekerdiş kerde û wina va: "n qedexe kir û wiha pê de çû: “Bê destûr eşkenê bêrê têhet û protesto bikerê, bernameyan bikerê. Vernîya nê de tu astengî çin o la Walî bi her qerarêke gêno heqan asteng keno. Ma sey komele beşdarê Platformê Demokrasî yê. Îzahatê nê hewteyî yê platformî ma sey OHD do bikerdêne. La walî qedexe da serê qerarî. Amanc o bi ke vernîya beşdarbîyayîşê bernameyan bêra girewtiş."

	&nbsp;

	'Ganî ma heqê cuye bipawê'

	&nbsp;

	Dîlane peynîya qiseykerdişê xo de da zanayîş ke ê na rewşe qetî qebul nêkenê û wina va: "Seba heqêke qanûnî yo. Ma ganî muwekîlê xo û heqê cuya înan bipawê. Ma ganî bibê vengê înan. Baroyê Wanî derheqê qedexeyê Walî de 3 dewa akerd. Ma do taqîbkerdoxê nê dewayan bîn zî."

	&nbsp;