
Xebatê şaredarîyê dost, sey xizmetê qayûm ame ramojnayîş 

2019-05-16 10:32:09


	&nbsp;

	MÊRDÎN - Şaredarîya Dêrikî weçînayîşê 31ê Adare de qayûm ra amî girewtene. Dimayê ke şaredarî amî girewtiş, problemî zî vejîyayî meydan. Vejîya meydan ke 450 hezar TL şîyayîşê parkê hetê şaredarîya Kocaelîyê bi şaredarîya Dêrikî dir dost a, ameya viraştene, sey kasayê şaredarîya Dêrikî ameyo vetene nîşan dayê.

	&nbsp;

	Qezaya Dêrikê Mêrdînî de weçînayîşê herêmî yê 31ê Adare de HDP bi ser kewt û şaredarî girewt. La problemê şaredarîyê ke qayûm ra ameyê girewtene peynî nêbenê. Şaredarîya ke bi mîlyonan deyn ci rê ameya verdayîş, kasayê ci ameya vengkerdene, şîyayeyê wextê qayûm ameyê kerdene zî newe yenê zêdekerdene. Wextê qayûm de viraştişê 8 parkê bi pêroyî de sey mîlyonêke û 408 hezar û 805 TL derbazê qeydan bî.

	&nbsp;

	Xebatê şaredarîya doste zî sey ê qayûm amî ramojnayene

	&nbsp;

	Yew nê parkan ra parka ‘Şehîd Qorîcî Nurî Dînç’ a. Goreyê qeydan na parke hetê şaredarîya doste ya Kocaelî ra ameya viraştene. 450 hezar TL şîyayê na parke zî sey kasaya şaredarîya Dêrikî vejîyaya ame ramojnayîş. Parke warêke kaykerdiş û spor ra ameya meydan, her cayê parke de amblemê Şaredarîya Kocaelî esta. Heto bîn ra xebatkarê şaredarî ke parke de xebitênê zî dîyar kerdî ke park hetê şaredarîya Dêrikî ra nêameya viraştene.

	&nbsp;