
Zîndanê Xarpêtî de 15 hepsîyan kerdî hucreyanê yew kesî 

2019-05-15 14:49:57


	&nbsp;

	XARPÊT - Zîndanê Hûmara 2. yê Asayîşo Berz yê Xarpêtî de 15 çalakwanê ke grevê vêşanîye de yî, kerdî hucreyanê yew kesî

	&nbsp;

	Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene û ya bi hezaran hepsîyan dewam kena. Badê nê çalakî &nbsp;pêroyê zîndanan de zext û binpaykerdişê heqan zêdîyayî.

	&nbsp;

	Hepsîyê Zîndanê Hûmara 2. yê Asayîşo Berz yê Xarpêtî bi rayîrê keyeyê xo dayî zanayene ke 15 hepsîyê ke grevê vêşanîye kerdî hucreyanê yew kesî û vatî: “Rewşa nê hepsîyê ke refaqetçîyê înan çin î ver bi xirabî şona. Gardîyanê ke bin nameyê ‘cigêrayîşî’ de erzenî qawişan ser, dest ronenî lazimîyanê taybet ê hepsîyan sey defter, qaleme, fotograf û kitaban ser.”

	&nbsp;

	Hepsî dîyar kerdî ke do hemverê heme binpaykerdişan de xover bidî û heta ke talebê înan nêrî caardene do çalakîya grevê vêşanîye bidomnî.&nbsp;

	&nbsp;