
Domana bi nameyê Nûrcan a 3 serrî 2 rojî yo nêasena 

2019-05-14 15:19:59


	&nbsp;

	QERS - Nûrcan Sade ya 3 serrî ya ke 2 rojî verî Qezaya Qamuşan (Sarikamiş) de vînî bîye, rixmê xebatanê cigêrayîşî de nêamî dîyene.

	&nbsp;

	Nûrcan Sade ya 3 serrî ya ke dewa Ortakoyî ya pabesteya qezaya Qamuşan a Qersî de vînî bîye, aye ra di rojî yo xeberêk nêna girewtene. Xebatê cigêrayîşî yê seba Nûrcana qijkeke her cayê dewe de dewam kenê, la hewna nêamî dîyene. Ewro zî xebatê cigêrayîşî hetê Ekîpanê Xelisnayîşî yê Medîkalî yê Neteweyî (UMKE) ra yenê kerdene. Xebatî hîna zaf dereyo ke nizdê keyeyê ci ra ravêreno ser o bîyî vêşî, dewijî zî dorê dewe de ro Nûrcana qijkeke gêrenê. Pawitişê keyeyî û yê dewijan dewam keno.

	&nbsp;