Cinîyê ke Armenîstan de yê hêrişê vera dayîkan şermezar kerdî 

2019-05-13 14:52:58


	 

	MERKEZÊ XEBERAN - Cinîyê Kurdan ê ke Armenîstan de ciwîyenê, hêrişê vera cinîyan şermezar kerdî.

	 

	Paytextê Armenîstanî Erîvan de, Meclîsê Yewîyanê Cinîyanê Azadan (YJA) bale ante serê tecrîdkerdişê Rayberê PKKyî Abdullah Ocalanî û xoverdayîşê grevê vêşanîye û rojeyê mergî.

	 

	Sereka Meclîsê Yewîyanê Cinîyanê Azadan Tamar Kalaşyane bi nameyê meclîsî eşkerayîye daye. Eşkerayîye de ame vatene: “Cinîyê Kurdan ê ke Armenîstan de ciwîyenê, tecrîdkerdişê Rayber Apoyî tu cara qebûl nêkenê. Rayberîye reyde pêvînayîşê avûkatan ma kerdê keyfweş, labelê na nêna a mana ke tecrîd qedîyayo. Dewleta Tirkî ya faşîste wazena komployanê xo bidomna.”

	 

	Eşkerayîye de hêrişê vera dayîkan ê Kurdan ameyî şermezarkerdene û ame vatene: “Ma bi nameyê cinîyan ê Kurdan ê Armenîstanî, bêanorîya ke vera dayîkan ameya kerdene şermezar kenê; çi hewca keno ma amade yê ke bikerê!”