Xelata tewr pîl seba dayîkan xoverikekerdişê domananê înan o 

2019-05-12 14:56:21


	 

	AMED - Qîmet Şoreşoglu, Necîme Yaşar û Fatma Surme bi minasebetê Roja Dayîkan waştişê xo ardê ziwan û wina vatî: "A roje pîyabîyayîşê doman û dayîkan bi mana yo."

	 

	Bi minasebetê Roja Dayîkan Qîmet Şoreşoglu, Necîme Yaşar û Fatma Surme hîs û fikrê xo ardî ziwan. Dayîk emsar zî Roja Dayikan mîyanê xoverdayîşî de pêşwazî kenê. Seba dayîkan dîyarîya tewr pîl xoverikerdişê domananê înan o. Eynî wextî de dayîkan ke ewnîyayîşê xo ardî ziwan dîyar kerdî ke nê şert û mercan de manaya Roja Dayikan çin o.

	 

	'Roja Dayîkan bi azadîya domanê ma biba manayîn'

	 

	Fatma Surmeya ke 2 lajê aye grevê vêşanîye de yê û rewşa înan sewîyeya krîtîk wina va: "Lajê mi 5ê çele de kewt çalakîye û rewşa ey xeter de yo. Ez bi lajê xo serberz a. Fatmaye qiseykerdişê xo de bale ante serê Roja Dayikan û dîyar kerde ke wexto ke domanê kefenê mergî bidê xo ra, a roje seba înan bê mana bena û wina va: "Ma tena rewşa domanê xo fikrîyenê. Rojê taybet de bi azadbîyayîşê înan do bi mana bibo. Wexto ke domanê ma kefenê mergî bidê xo ra, ma do senîn bieşkê rehet roşê. Ma dayik seba domanê ma bicuyê û eynî wextî de welatêke azad û aştî kewenê wareyan. Serekkomar seba dayîkan vano 'cenet binê lingê dayikan de yo’ no çî tena waştiş de maneno. Ganî her kes vera nê wirzo wayîrê nê qehreman vejîyo."

	 

	'Ez hêz lajê xo ra gêna'

	 

	Necîme Yaşare da zanayîş ke Roja Dayikan mîyanê xemginî de pêşwazî kenê û wina va: "Lajê mi Selehedîn zindanê Dîlokî de yo û mêrdeyê mi zindanê Zindanê Trabzonî de yo. Lajê mi û mêrdeyê mi surgun kerdê. Semedo ke  îmkanê mi yê ekonomî çin ê ez nêeşkena şêrî pêvînayîş. Lajê mi zî semedo ke ez xem kena nêwazeno ez şêrî ey bivînî. Seleheddînê mi 5ê çele de dest bi grevê vêşanîye yê bêdem û bêagerayîş kerd. Lajê mi hêz dano mi."

	 

	'Xelata tewr pîl xoverikekerdişê domananê ma yo'

	 

	Necîmeye dîyar kerde ke çalakger her roj dilop bi dilop helênê û wina va: "Ma dayikê kezeb vêşnayeyê. Domanê ma her roje dilop bi dilop helênê. Ma nêeşkenê bêveng bimanê. Ma heqê xo wazenê. Yeno aseyene ke dewlete çiqas qedrê dayikan zana, dayik erd ra yenê kaşkerdene û yenê derbkerdene. Gelo do senîn na roje pîroz bikerê. Mi 3 domanê xo vindî kerdî, la no dej seba tewr giran o. Ma qasê 40 milyon merdimîyî yê û serê ma de kayê lêşin yenê meşnayene. Seba berjewendiyê xo eşkenê Kurdan pêro qir bikerê. Vera qêrnayîşê ma her kes ker û lal bîyo. Seba xelata tewr pîl xoverikekerdişê domananê ma yo."

	 

	'Ez her roje domananê xo fikrîyena'

	 

	Lajê Qîmet Şoreşoglu Mehmet Şoreşoglu zî verê 4 serran Amed de ame tepiştiş û dimayê di aşman surgunê zindanê Boluyî ame kerdiş. Mehmet zî yew çalakwanê grevê vêşanîye yê bêdem û bêagerayîşî yo. Qîmete, qiseykerdişê xo de da zanayîş ke Roja Dayikan seba aye bêmana ya û wina va: "Her roje domananê xo fikrîyena. Tena ez wazena domananê xo bikerî xo verike."