TJA: Ma do bibê vengê dayîkan ke vengê înan vuryayê Tevgerê Leçegsipîyan 

2019-05-10 15:49:48


	 

	AMED - Têgêrayîşê Cinîyan ê Azadan (TJA), TJAyî bi minasebetê Roja Dayîkan eşkerayîyek dayî û bale antî serê çalakîya dayikê leçegsipîyan. TJAyî dîyar kerd ke bi peynîkerdene tecrîdî do seba pêro dayîkan û temamê komelî bibo xelata tewr bi erj û wina vatî: "Ma veng danê her kesî ke bibê vengê dayîkê, dayîkê ke vengê înan vurya leçegsipîyan."

	 

	TJA eşkerayîyêka nuştekîye weşanaye û reaksîyon da şîdetê polîsan ê vera dayîkanê girewteyan. Eşkerayîye de rojeyê mergî û grevê vêşanîye yê vera tecrîdkerdişê Rayberê PKKyî Abdullah Ocalanî ameyî vîrardene û xoverdayîşê Dayîkanê Aşitîye silam ame silamkerdene.

	 

	TJA eşkereyî de wina va:

	 

	“Metnê pêvînayîşê peyênî yê Îmraliyî de reya bîne eşkera bi ke Birêz Abdullah Ocalan tekane hêz û têsîr o ke eşkenê aşitîya cimatî ser o bikero yo.

	 

	Ma cinîyê xoverdayoxê leçeg sipîyan silam kenê

	 

	Çalakiya Leyla grevê vêşanîye ke daya destpêkerdene, xeylê zindanan de vila bîya û bi beşdarbîyayîşê 7 hezaran zêde hepsî dewam kenê. Dayîkê hepsîyan ke vera tecrîdî û seba piştdayîşê bi domananê înan dir û Dayîkê Aştîyan ma bi dil û gan serê nameyê heme cinîyan û şarê xo silam kenê."

	 

	Nê rojê ke 12ê Gulane Roja Dayîkan yena pêşwazîkerdiş, dayîkî verê zindanan û kuçeyan de zerrîya domananê xo û bi seyan hîkayeyê xoverdayîşê leçeganêê xo de hewênenê. Ma veng danê her kesî ke xoverdayîşê nê dayîkan rê wayîr vejîyê.

	 

	Ma veng danê her kes xoverdayîş geş bikero

	 

	Ma veng danê cinîyan, şaran, ciwanan, ronşvîran, hêzanê demokratîkî, hunermend, nuştox û her kesanê ke xo merdim vînenê ame kerdene û dayîkan reyde têgêrayîş bikerê, reaksîyonê xo yê demokratîkî her ware de bimojnê û têkoşîn xurt bikerê."