'Ma do dêsan birijnê û ageyrê Efrînê xo' 

2019-05-07 13:10:34


	 

	Hesna Muhemed

	 

	ŞEHBA - Cinîyê Efrînî yê ke Kantonê Şehbayî bi ca bîyê derheqê awankerdişê sînorê parçekerdişê herra Surîye ser o wina vatî: "Ma sînorê ke herra Efrînê Sûrîye parçe keno qebûl nêkenê."

	 

	Dewleta Tirkî bi hetkarîya komê girêdayê ci hêrişê Kantonê Efrînî kerdî û nika zî ronayîşê dêsê Efrînî herra Sûrîyeya ra nêzdî yê 70 kîlo metreyî yeno meydan. Cinîyê Efrînijî derheqê nê de şîrove kerdî.

	 

	'Pêro şarê Efrînî rastê hêrişan yenê'

	 

	Xelîde Ehmede wina kerdişê dewleta Tirkan ê derheqê şarê Efrînî de arde ziwan û va: "Bi serrêke û di aşmî yo şarê Efrînî ca û warê xo ra koç bîyê û Kantonê Şehba de bi ca bîyê, dimayê îşxalkerdişê Efrînî her wext pêrodayîş, remnayîş, dizdî zereyê Efrînî de yenê meydan, pêro şarê Efrînî rastê kerdiş û tehdîdan yenê. Efrîn dewleta ê Tirkan nîyo, gerek herra ma ra vejîyê."

	 

	'Parçekerdişê herra Efrînî ma qebul nêkenê'

	 

	Xelîde dewamê qalîkerdişê xo de wina va: "Ma parçekerdişê herra Sûrîye qebûl nêkerê, Efrîn zî parçeyêke herra Sûrîye yo, amancê dewleta Tirkî o yo ke Efrîn Sûrîye ra parçe bikero, la ma nê parçekerdişî şermezar kenê, ma wayîrê heqî yê û ma şehîdanê xo rê wayîr vejîyê."

	 

	'Azadîya Serek Apo azadîya Efrînî ya'

	 

	Peynîya qiseykerdişê xo de Xelîde wina va: "Ma bêvengîya dewletan hemver awankerdişê sînoran şermezar kenê, heta nika dewleta Sûrîye bêveng a, hemver parçekerdişê herra xo de yê, la ma tu hetkarî kesî nêwazenê. Ma do her wext mîyanê çalakîyan de bê û ma do şehîdan zî bidê, la ma fek herra xo ra vera nêdanê. Ma fek azadîya Serok Apo zî vera nêdanê. Seba ke azadîya Serek Apo azadîya Efrînî ya."

	 

	'Ma do dêsan birijnê û derbazê Efrîn bibê'

	 

	Almaz Cefo zî hîsê xo wina ardî ziwan û wina va: " Efrîn ê îşxalkerdoxan nîyo. Seba ke ma Kurd ê û Efrîn zî ê Kurdan o. Ma do bi îradeyê xo dêsan birijnê, Efrîn bixelisnê."

	 

	'Şarê Efrînî teslîmkerdiş qebul nêkeno'

	 

	Ayşe Muhemede zî qisey kerde û va: "Ma do dêsan birijnê û ageyrê ca û wareyê xo. Efrîn qetî nêbeno Erdoganî. Wa nêvajo mi Efrîn girewt û ez şarê kurd çin bikerî. Şarê Efrînî teslîmkerdiş qebul nêkeno û ma do sîyasetê faşîst birijnê û derbazê Efrîn bibê."