Dayîk bi erdî ra ameyî kaşkerdiş û 7 kes ameyî tepiştene 

2019-05-04 15:48:18


	 

	STENBOL - Polîsan hêrişê dayîkanê ke vernîya Zîndanê Bakirkoyî de nobete de yê kerd. 5 dayîkî û 2 avûkatî ameyî tepiştene.

	 

	Polîsan reyna hêrişê dayîkanê ke vernîya Zîndanê Bakirkoyî de seba piştîdayîşê hepsîyanê ke grevê vêşanîye de yê arê bibî, kerd. Çalakîya nobeta ke parlementerê Partîya Demokratîke ya Şaran (HDP) Dîlşat Canbaz Kaya, Tûna Çelîk û Alî Kenanoglû zî mîyan de yê, 5 dayîkî bi erdî ra kaşkerdişî ameyî tepiştene. 

	 

	2 avûkatê ke seba dayîkan xo kerd mertal zî ameyî derbkerdene û tepiştene. 7 kesê ke ameyî tepiştene erd ra ameyî kaşkerdene. Horîk Turgut, Behiye Dag, Sakîne Yakup, Perî Akyildiz, Necîbe Başaran û avûkat Meltem Ozel û Murat Arksak ameyî tepiştiş.