
Newala Çemê Cehnemî bi rindîya xo paweyê zîyaretan a 

2019-05-03 13:58:28


	&nbsp;

	ŞIRNEX - Newala Çemê Cehnemî ya Hezexî û rindîya xoza her kesî şaş kena. Germbîyayîşê hewayî reyde her ca xemilîya rengê keske. Newala ke medyaya hetgirî de timî sey herêma operasyonê eskerî yena nîşandayene, her kesî xo rê heyran vera dana

	&nbsp;

	Newala Çemê Cehnemî ya Hezexî ya Şirnexî bi serran a paweyê kifşkerdişî ya. Ameyîşê wisarî reyde her ca xemilîya rengê keske. Newala ke kontarê koyê Gabarî de ya bi berzbîyayîş û rindîya xo her kesî xo rê heyran vera dana. Emserr vera Newala Çemê Cehnemî de eleqeyêko gird esto. Newale mabenê serranê 2015-2016î de sey ‘herêma asayîşo taybet’ ame îlankerdene, la bi germbîyayîşê hewayî reyde raşte eleqeyêko gird ameye.

	&nbsp;

	Çemê Cehnemî lazimîya awa Hezexî û dewanê ci vîneno. Hemwelatîyê ke herême de cuyenî bi îmkananê xo xortiman antî çem û 4 demserrî de awa xo ewja ra temîn kenî. Herra dewan zî bi na awe yena awdayene.

	&nbsp;

	Seba pêrodayîşan bêkes mende

	&nbsp;

	Pêrodayîşê mabenê serranê 2015-2016î vera newale de nuqtayê kontrolî yê leşkeran ameyî viraştene. Newale de şikeftê tarîxî zî estî. Şar badê wedarnayîşê qedexeyan herême sey cayê seyrangehî xebetna. Nika xeylê kesî seba vînayîşê rindîya herême yeno zîyaret û eleqeyêko gird esto.&nbsp;

	&nbsp;