Grûba 8. çalakîya Wanî dewr girewte 

2019-05-02 16:11:29


	 

	WAN - Çalakîya ke seba bale antişê grevanê vêşanîye awanîya HDPyî ya bajarê Wanî de dîyabî destpêkerdene hetê grûba 8. ra ameye dewrgirewtene.

	 

	Çalakîya grevê vêşanîye ke bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke 173 rojî yo grevê vêşanîye de ya dîyabî dest pêkerdene, teber û zîndanan dewam kena. 

	Çalakîya ke bajarê Wanî de seba piştîdayîşê hepsîyanê ke vera tecrîdkerdişê Rayberê PKKyî Abdullah Ocalanî kewtî grevê vêşanîye zî dewam kena.

	 

	Çalakîya ke Wan de seba paştdayîşê nê çalakîyan yena viraştene hetê grûba 8. ra ameye derwgirewtene. Xeylî kesî tewrê çalakîya ke do 3 rojî awanîya  Partîya Demokratîke ya Şaran (HDP) yê qezaya Îpekyolû de dewam bikero bîyî. Sewbîna hepsîyê PKK û PAJKijî grevê xo yê vêşanîye yo ke 134 rojî yo kewtîbî ci resna merheleyêka newî û qerar da ke bikewê rojeyê mergî.

	Merdimê hepsîyan ra Xece Kiyesa ke çalakî dewr kerde qiseykerdişê xo de wina va: “Ma serê nameyê grûba 7. çalakî dewr kerde û ma aşitî omud kenî. Hela ke embazêk cuya xo vindî nêkerdo, wa tecrîd bêro wedartene. Ma çalakîya xo dewrê grûba 8. kenî.”

	 

	'Xoverdayoxî do ser bikewî'

	 

	Songul Kaçmaza ke mîyanê grûba ke çalakî dewr girewte de ca gêna zî înan arde ziwan ser: “Ma serê nameyê grûba 8. çalakî dewr gênî. Ma bawer kenî ke do kesê ke xo ra bawer ser bikewî.”