Seba di dêsan 2 mîlyon TL pere xerc kerdî 

2019-05-02 13:42:52


	 

	ŞIRNEX - Wextê qayûm Mehmet Aga tayînê şaredarîya Cizîre bibi seba restorekerdişê di dêsê Qesrê Mehmet Axa Keyeyê Dengbêjê Cizîran 2 mîlyon TL ame xerckerdiş.

	 

	Şaredarîya Cizîrî ya ke weçînayîşê herêmî de qayûm ra amî girewtiş, şîyayeyê ke 3 serrî yê ameyê kerdene yew bi yew vejîyenê meydan. Qesrê Mehmet Axa Keyeyê Dengbêjan ê Cizîrî ke kitabxaneyê ci de wextê qayûm de ame vilakerdiş û fotografê ke tede bî ameyî wedartiş, seba restorasyonê di aşman dewam kerdo zî 2 mîlyon pere ameyo xerckerdiş. Vejîya meydan restorasyon di dêsî rê ameyo kerdene û goreyê bingeyê tarîxî nêameyo betonkerdene.

	 

	Dimayê ke qayûm amebi tayînkerdene fotografê hunermendê Kurd ê Keyeyê Dengbêjan amebi wedartiş. La fotografî reyna ameyî daliqnayene û ame zanayîş ke kitabê kitabxaneyê Melayê Cizîrî zî eşrawitê Kiraatxaneyê Mîllet. Ame dîyar kerdene ke kitabê ke ameyê eşrawitiş do rojê ameyox de bêrê cayê xo.

	 

	Hîn dêsê Keyeyê Dengbêjan bi boyaxê sîya ameyê boyaxkerdiş û ame vînayîş ke hîn hacetê odayan kêm ê. Heto bîn ra bi xebatêke bêsîstem yeno vînayene hetê tarîxî bi restorasyon ameyo xirakerdene.