Besra Erole bi sebebê qiseykerdişê xo yê cenazaya lajê xo amî tepiştene 

2019-04-30 14:30:40


	 

	MÛŞ - Maya Evrîm Denîz Erolî yo ke mîyanê kişteyanê Qirkerdişê Pirsûsî de bi, Besra Erole amî tepiştene.

	 

	33 kesê ke cayanê cîyayan ê Tirkîya ra pêresaybî waştêne qezaya Pirsûsî yê Riha ra domananê Kobanê rê pêkayokan bişirawê labelê netîceyê hêrişê bombayinî yê DAIŞ’î de cuya xo vîndî kerdebî. Evrîm Denîz Erolo ke ê kişteyan ra yew bi maya ci Besra Erole amî tepiştene. Ame zanayene ke maye bi sebebê qiseykerdişêkê xo yê cenazaya lajê xo amîya tepiştene. Besra çarewaya dosyaya ke derheqê ci de abîya vizêr tewrê roniştişî bîye û ci rê 7 serrî cezaya zîndanî amî diyene û şirawîya Zîndanê Mûşî yê Girewteyî yê Tîpê E’yî.

	 

	Însîyatîfê Keyeyanê Pirsûsî do derheqê babete de ewro Şûbeyê Komeleya Heqanê Merdiman (ÎHD) yê Stenbolî de eşkerayîyêka çapemenîye bido.