Wan de mîtîngê 1’ê Gulane ame qedexekerdene  

2019-04-30 14:24:17


	 

	WAN- Walîtîya Wanî mîtîngê 1ê Gulane Roşanê Kedkaran qedexe kerd.

	 

	Sendika, komel û partîyanê sîyasîyan plan kerdêne ke Roşanê Karker û Kedkaran ê 1’ê Gulane Parkê Mûsa Anterî de pîroz bikerê. Labelê Walîtîya Wanî, pîrozkerdişo ke amebi plankerdene do roja Çarşemeyî bêro viraştene qedexe kerd.

	 

	Walîtîye Wanî vat ke, mabênê tarîxanê 29 Nîsane - 8 Gulane de ke 10 rojî gêno xo mîyan, zereyê sînoranê şaristanî de rayraşîyayîş, kombîyayîş, eşkerayîya çapemenîye, çalakîya roniştişî, akerdişê standî û çalakîyê winayênî zî tede her tewir çalakî û aktîvîteyî qedexe yê.