Çalakîya Leyla Guvene roja 174ine de ya 2019-04-30 14:20:27   AMED - Çalakîya grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî dest pêkerdiş roja 174ine de dewam kena.     Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 174ine de dewam kena. Leylaye ke 25ê Çele de serbest ameye veradayene keyeyê xo de çalakîya xo dewam kena. Serdayîşê seba Leylaye dewam kenê û ablûqayê polîsan verê keyeyê aye zî hîna dewam keno.   Dimayê Leylaye bi eynî waştişî Mintiqaya Federalê Kurdistanî çalakîya Temsîlkarê HDPyî Nasir Yagizî roja 161an de, Strasbourgî de 14 kes û Gallerî de zî Îmam Şîşî roja 135 de dewam keno. Endama Meclîsê Îştarî Fadîle Toke roja 100ine de ya. Rojnameger Kîbriye Everena ke Zindanê Tîpê E yê Amedî de destpêkerdene roja 136in de, Hemsereka DBPyî ya verê Sebahat Tuncel û ya parlamentera HDPyî ya verê Selma Irmake ke zindan de dayê destpêkerdiş roja 105in de yê. Heto bîn ra çalakîya hepsîyê ke grevê vêşanîye ê koma yewine roja 135ine de û çalakîya hepsîyan 1ê Adare ra dima heme zindanan de vila bî.     15 hepsîyan dest bi rojeyê mergî kerdî   15 hepsîyê ke zindanê Bakirkoyî yê Stenbol, Gebze yê Kocaelî, Wan û Amedî ewro çalakîya xo ya grevê vêşanîye bêdem û bêagerayîş vurnayî çalakîya rojeyê mergî.   Zindanê Cinîyan ê Bakirkoyî; Nesrîn Akgul, Şukran Aydin, Zozan Çîçek. Zindanê Cinîyan ê Gebzeyî; Ardil Çeşme, Asli Dogan. Zindanê Asayîşê Berz ê Wanî; Ahmet Anigi, Ozhan Ceyhan, Vedat Ozagar, Îhsan Bulut, Erol Çelîk. Zindanê Tîpê D yê Amedî; Engîn Akhan, Enver Durmaz, Ahmet Topkaya, A. Haluk Kaplan û Ferhat Turgay.   Çalakîya grevî ya parlamenteran   Çalakîya Parlementerê Partîya Demokratîke ya Şaran (HDP) Dersîm Dage 3ê Adare de, Tayîp Temel û Murat Sarîsaç ê ke 8ê Adare de dayî destpêkerdiş dewam kenê. Serdayîşê parlamenterê çalakgeran hetê welatîyan ra zî dewam keno.   Kesê ke ameyî tahlîyekerdene keye de çalakîya xo dewam kenê     Sedat Akin, Gurbet Ektîren, Mahsun Şen, Mûrat Aksin, Semra Alkan û Îhsan Sinmiş çalakgerê ke zindan de dest bi grev kerdibî û serbest ameyî veradayîş, dimayê ke serbest ameyî veradayîş çalakîyê xo keyeyê xo dewam kenê. Îsmet Yilmaz, Salîh Tekin, Sevican Yaşar, Bîlal Ozgezer awanîya HDPyî yê Amedî de 3ê Adare dest bi grev kerdî û ameyî tepiştiş dima ra serbest ameyî veradayîş û nika keye de çalakîya xo dewam kenê.   Kesê ke çalakî kerdî   Bajarê Almanya yê Krefeldî de 20ê Sibate de Ugur Şakar zî vera tecrîdî verê dadgehe de bedenê xo dabi verê adir û nêweşxane de ameyne dermankerdiş, 22yê Adare de cuya xo vindî kerdib. Zindanê Tîpê T yê Xarpetî Mahsûn Pamay, Zindanê Osmanîye Tîpê T de Siraç Yuksek, Zindanê Tîpê T F Şakranî de Yonca Akici, Zindanê Tîpê T yê Cinîyan ê Oltuyê Erziromî de Zehra Saglame, Zindanê Tekîrdagî yê Tîpa F yê Hûmara 2 de Zulkuf Gezen, Zindanê Cinîyan ê Gebzeyî de Ayten Becet û Zindanê Tîpê E yê Mêrdînî de Medya Çinare vera tecrîdê Rayberê PKKyî Abdullah Ocalanî de çalakî kerdî û peynî cuya xo ardî.