'Ganî îqtîdar û çapemenî ziwanê xo bivurnê' 2019-04-30 14:09:29   Melîke Aydin   ÎZMÎR - Cinîyê Îzmîrî dîyar kerdî ke îstîsmarê zayendî yê vera domana 5 serrî ke ame kerdene, sewîyeya komelî ramojnena û wina vatî: "Îzahatê ke derheqê hedîseyan de yenê dayene ganî mexduran acis nêkero. Heto bîn ra ziwanê çapemenî zî na babete de ganî hesas bo. Ganî mexdur ney, gumanbar bêrê teşhîrkerdene."   Taxa Kanarya ya Kuçukçekmecî yê Stenbolî de domana 5 serrî bi îstîsmarê zayendî dir rî bi rî mendebî. Sere de cinîyan her cayê Tirkîya û herêm de vera îstîsmarî reaksîyon ramojnayî. Cinîyê Îzmîrî zî reaksîyon vera hedîseyan reaksîyon ramojnayî û dîyar kerdî ke îstîsmarê zayendî yê vera domana 5 serrî û hêrişê zayendî yê metrobusî, rijnayîşê komelî ramojneno û îstîsmar û hêrişê zayendî polîtîk ê.   Mamoste Nîhal Demîrçobane da zanayîş ke bingeyî polîtîk ê kiştişê domanan û cinîyan esto û wina va: "Cinî wareyê têkoşînê xo bi hewayêke xurt danê. La nê hadîseyî binê berpirsyarîyê pêro komelî de yê. Na rewşeka ke ganî pêro camêrd binê tesîrî de verdê."   'Ganî zîhnîyet bivurnê'   Aktîvîstê femînîst Pinar Koçake zî arde ziwan ke îstîsmarê vera domanan û hêrişê zayendî bi têkoşînê cinîyan dir eşkera bîyo û ganî hukm berpirsyarîyê xo bi ca bîyaro, problem tena cezakerdiş ney, bi vurnayîşê zîhniyetî mumkun o.   Mamosteya PDRî Turkan Kayaye zî da zanayîş ke domana/o ke bi îstîsmarê zayendî dir rî bi rî menda/o qetî baş nêbena/o û wina va: "Domanê ke bi îstîsmarî dir rî bi rî manenê temamê cuya xo de problem cuyenê û qetî baş nêbenê. Travma parçebîyayîşêke yo. Cuye di beşan de parçe bena."   Hatîce Yordama wendekara PDRî ya zî da zanayîş ke komel rastê travmayê girseyî yeno û wina va: "Seba bêvengî, komel ver bi bêçareyî rê şino."   Sekretera SESî yê Îzmîrî Semra Dogane zî da zanayîş ke bi qanûnan dir ancax çareserî virazyo  wina va: "Îzahatê ke derheqê hedîseyan de yenê dayene ganî mexduran acis nêkero. Heto bîn ra ziwanê çapemenîye zî na babete de hesas têbigeyro. Ganî mexdur ney, gumanbar bêro teşhîrkerdiş.