'Do 1ê Gulane de vera bêasayîş û mobîngî rasteyan de bê 

2019-04-29 13:16:52


	 

	Melîke Aydin

	 

	ÎZMÎR - Sereka Pêroyî ya Egîtîm Senî Feray Aytekîne da zayîş ke tewr zêde cinî polîtîkayê îqtîdarî ra bi tesîr benê, la hêzê cinîyan esto ke proses bivurnê û wina va: "Ma do 1ê Gulane de vera caardişê bêasayîş,  tacîz, tecawiz û mobîngî vejîyê rasteyan û vajê 'ma estê, ma do bibê'."

	 

	Sereka Pêroyî ya Sendîkaya Kedkarê Perwerde û Zanistî (Egîtîm-Sen) Feray Aytekîne ke verê 1 Gulane heme şubeyan geyra, arde ziwan ke wexto ke faşîzmî tewr giran yeno cuyayîş, kuçeyan de, kargerîyan de tewr zêde cinî veng vejenê û vera KHK, vera ‘Qanûnê Meslekî ya Mamosteyî pakê baca newe û bêasayîş, hêzê kar ê erjan, mobîng, tacîz û tecawiz vengê têkoşînî kerde.

	 

	'Vera prosesê karkeran ameyo ferzkerdiş cebheyê 'nê' ame awankerdiş'

	 

	Feraye da zanayîş ke 1ê Gulane nuqtaya serewedaritişêke xurt ê têkoşînê kedkarano û va: "Tewr peyîn tabloyê ke weînayîşan de vejîya meydan ramojna yo çiqas umîdê ma xurt ê. Vera nê prosesî kedkaran ameyo ferzkerdiş ke cebheyê îtîrazî yê 'nê' awan bîyo. Ma do 1ê Gulane de bi sloganê xo bi waştişê xo kuçeyan de bê."

	 

	'Paketê reformî do hêzê kar ê erjan ferz bikero'

	 

	Feraye arde ziwan ke paketê reformî yê serê krîzê ekonomî ameyo eşkerakerdiş, reyna heme kedkaran rê bêasayîş û hêzê kar ê erjan ferz keno û wina va: "Her wextê krîzî de îqtîdar bêasayîş ferz keno. Nê ra zî tewr zêde cinî tesîr benê. Yê ke kar ra yenê vetiş cinî yê, yê ke rastê taciz, tecawiz, mobîng û şertê xebate yê bê asayîş yenê cinî yê. Bêguman her kes nê şertan ra bi tesîr beno. La yê ke tewr zêde bi tesîr benê sey her wext reyna cinî yê."

	 

	'Hêzê cinîyan esto ke proses bi vurnê'

	 

	Feraye tewr peyîn qiseykerdişê xo de da zanayîş ke cinî tewr giran ê faşîzmî de reyna kuçe û karkgeriyan de veng vetê û wina va: "Cinîyan 8ê Adare de qedexe nas nêkerdî. Cinî wayîrê hêzo ke vurnay bi ca bîyarê yê. Ma do 1ê Gulane de vajê 'Ma estê, ma do bibê."