Zature Tirkîya de yew nêweşîyê ke beno sebebê merdişan 

2019-04-27 11:02:22


	 

	MERKEZÊ XEBERAN - Sereka Heyetê Îdareyê AHEFî Dr. Ozlem Sezene bi munasebetê Hewteyê Aşîyê yê Dinya de derheqê nêweşîya zatureyî de zanayîş da û va ke zature yew 5 nêweşîya ke rayîr verê mergan akena û bale ant serê girîngîyê aşîyan.

	 

	Bi hewldayîşê Rêxistinê Weşîye ya Dinya (WHO) mabêne 24-30ê Nîsane de Hewteyê Aşîyê Dinya yena qebulkerdene. Bakterîyê Pnomokok bi taybet bi kesan ê emrê înan 65 o rayîr verê enfeksîyonê ke benê sebebê nêweşîyê zature, lêşinbîyayîşê gonî, menenjît akeno. Bakterî ra pawitiş zî bi aşî mumkun o.

	 

	Aşî hetê weşîye komelî de girîng a

	 

	Sereka Heyetê Îdareyê Federasyonê Komeleyê Hekîmê Keyeyî (AHEF) Dr. Ozlem Sezene da zanayîş ke bi taybet kesê 65 serre û serê nê emrî de ganî vera bakterîya pnomokokî sîstemê xopawitişî xo xurt bikerê û wina va: "Komel de bi aşî eşkenê nêweşîyê bi domanan dir bêrê astengkerdiş. Seba nê zî aşî vernîya merdiş û seqetbîyayîşan gêna.”

	 

	'Zature rêzê 5in de yo'

	 

	Dr. Ozlem Sezene bale ante serê nêweşîya zatureyî û va Tirkîya da na nêweşîye rêzê 5in ê sebebê merdişan de ca gêna û wina va: "Zature pêro dinya de yew sebebê merdişî yo. Bi taybet bi kal û pîran dir zaf giran yena vînayene. Nîşaneyê nê nêweşîye; berzbîyayîşê germê bedenî, kuxik, problemê boy girewtişî, dejê sîneyî. Kesê ke bakterîya pnomokok qirike înan de esta zî wexto ke quxenê yan zî pişkenê eşkenê vila bikerê.

	 

	Ozleme va kesê ke aşîya pnomokok benê bebek, domanê ke binê emrê 5 serre û kesê 65 û serê nê emrî de gerek bikerê, eynî wextî de kesê ke emrê înan 5î ser o ke rîskê înan ê nêweşîya bakteriya pnomokok bena sebeb eşkenê bikerê. Ozleme da zanayîş ke seba derheqê aşî de bibê wayîrê zaneyîşî her kes eşkeno muracatê hekîmê keyeyî bidê.