Grûba 6. çalakîya Wanî derw girewte 

2019-04-26 15:36:36


	 

	WAN - Çalakîya ke seba bale antişê grevanê vêşanîye bajarê Wanî de ameybî destpêkerdene hetê grûba 6. ra ameye dewrgirewtene

	 

	Çalakîya ke bajarê Wanî de seba piştîdayîşê hepsîyanê ke vera tecrîdkerdişê Rayberê PKKyî Abdullah Ocalanî kewtî grevê vêşanîye, dewam kena. Çalakîya ke Wan de seba paştdayîşê nê çalakîyan yena viraştene hetê grûbe 6. ra ameye derwgirewtene. Xeylî kesî tewrê çalakîya ke do 3 rojî awanîya  Partîya Demokratîke ya Şaran (HDP) yê qezaya Îpekyolû de dewam bikero bîyî.

	 

	Çalakvanan ra Seyfettîn Ertaşî dîyar kerd ke çalakîya ke seba piştîdayîşî dayî destpêkerdene dewrê grûba 6. kerdî û va: “Ma zanê ke êdî çalakgerê grevê vêşanîye ver bi mergî şonî. Seba ke kesêk cuya xo vindî nêkero, ganî ma bibî vengê çalakgeranê grevê vêşanîye. Heta ke tecrîd wedarîyo, ma xover bidî. Tecrîd sûcê merdimîye yo. Tecrîd huqûqî nîyo.”

	 

	Nurî Erolî zî bi silamkerdişê çalakvanan dest bi qiseykerdişê xo kerd û va: “Hedefê ma oyo ke ma bibî vengê bi hezaran çalakvanan û Leyla Guvene.”