Vakurê Fransa de kampa Jîneolojî peynî bî 

2019-04-26 15:34:02


	 

	MERKEZÊ XEBERAN - Vakurê Fransa de hetê cinîyan ê Kurdan ra Kampa Perwerdeyî ya Jîneolojî ameye viraştene. Kampe de derheqê xeylî babetan de perwerdeyî û munaqeşeyî ameyî kerdene.

	 

	Têgêrayîşê Cinîyan ê Kurdan ê Fransa (TJK-F), Vakurê Fransa de meclîsê cinîyan û însîyatîfan reyde Kampa Perwerdeyî ya Jîneolojî amede kerde.Chevrîeres de mabênê 22-25'ê Nîsane de kampa bi organîzasyonê TJK-F'yî bi tewrbîyayîşê 44 cinîyan ameyê viraştene. Kampe de cinîyan reyde 19 domanî zî amade bî û hem xo rê kay kerd û hem zî ameyî perwerdekerdene.

	 

	Kampe de Rennes Sara Sewe, Evry Çîçek Botane, Drancy Zîn ve Vîlleneuve-Saînt-Georges meclîsêEkîn Vane û Vîllîers-le-Bel, Crèîl, însîyatîfê cinîyan ê Parîs û Normandîa amade bî. Bi cuya komunal a ke kampe ameya organîzekerdene, cinîyan teyna perwerdeyo teorîk nêdî, her wareyê cuye zî bi hemkarîye ameye parekerdene.

	 

	Kampe de seba domanan zî bernameyêk amebi amadekerdene. Hem domanî ameyî perwerdekerdene û hem zî domanan bi kayanê cîyayan wext vîyarna.