
Îdiayê hepsîye nêweşxane de ameya derbkerdene 

2019-04-26 14:00:00


	&nbsp;

	MÊRDÎN - Ame îdiakerdiş ke hepsîya bi nameyê Gulîstan Yusmane zindanê Tîpê M yê Bayburtî de tepişnayîya, nêweşxane de bi sebebê ‘PKKyij’ a’ ameya hedefgirewtene û derbkerdene. Dayîka aye Behîye Yusmaye da zanayîş ke waştî ke lînç bikerê û va bi lînçî dir do nêresê cayêke zî.

	&nbsp;

	Çalakîya grevê vêşanîye ya bi amancê wedartişê tecrîdî vera Rayberê PKKyî Abdullah Ocalanî ame destpêkerdiş, bi beşdarbîyayîşê 7 hezar hepsîyan dewam keno. Dimayê çalakîye zindanan de îhlalkerdişê heqan û teda zêde bî. Yew nê zindanan ra zî Zindanê Tîpê T yê Bayburtî bi. Ame zanayîş ke Gulîstan Yusmaye zindan ra sewqê nêweşxane kerdê, uca de zî hetê welatîyan ra ameya derbkerdiş.

	&nbsp;

	'Merdiman dir wijdan nêmendo'

	&nbsp;

	Dayîka aye Behîye Yusmaye da zanayîş ke kêna aye bi sebebê parekerdişê çapemenîya komelî ameya tepiştiş, 4 serrî ci rê ameya birnayîş û va: "Nika Zindanê Bayburtî de ya. Kêna mi 15-16 kîlo da ya. Kêna mi bêsuc amî tepiştiş. Kêna mi wexto ke şî uca 60 kîlo bî. Nika 45 kîlo ya. Zindan de astim bî. 19 rojî grev de mende. Seba nê embazan aye vet. Telefono peyîn de kêna mi va, hepsî kerdê hucreyan. Înan dir wijdan nêmendo."

	&nbsp;

	'Nêweşxane de kêna mi lînç kerdê'

	&nbsp;

	Behîyeye da zanayîş ke kêna aye û hepsîyê bîn şertê giran de yê, têkoşînê cu danê û wina va: "Kêna mi nêweşa astimî ya. Rojê vîyarte de rewşa aye giran bîya û berdê nêweşxane. Dorê nêweşxane de gardîyan telefon de qalî keno û vano 'mi nika terorîstêke PKKyî arda tîya, seba arayî bendeyî mi mebe.' A mabêne de kesê ke derûdor de yê hêrişê aye kerdê û waştê aye lînç bikerê. Kêna mi gardîyanî ra xeberî da ya û gardîyanî zî qirike aye girewta û eşta oda. Wexto ke ma şî pêvînayîş, her cayê aye sîya bibi. Ma heta peynî ma domananê xo rê piştdayîş de yê. Se kenê wa bikerê do domanê ma sere nêtewênê."

	&nbsp;

	&nbsp;

	&nbsp;