
Çalakîya Leyla Guvene roja 168ine de ya   

2019-04-24 14:15:14


	&nbsp;

	AMED - Çalakîya grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî dest pêkerdiş roja 168ine de dewam kena. &nbsp;&nbsp;

	&nbsp;

	Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 168ine de dewam kena. Leylaye ke 25ê Çele de serbest ameye veradayene keyeyê xo de çalakîya xo dewam kena. Serdayîşê seba Leylaye dewam kenê û ablûqayê polîsan verê keyeyê aye zî hîna dewam keno.

	&nbsp;

	Dimayê Leylaye bi eynî waştişî Mintiqaya Federalê Kurdistanî çalakîya Temsîlkarê HDPyî Nasir Yagizî roja 155an de, Strasbourgî de 14 kes û Gallerî de zî Îmam Şîşî roja 129 de dewam keno. Endama Meclîsê Îştarî Fadîle Toke roja 94ine de ya. Rojnameger Kîbriye Everena ke Zindanê Tîpê E yê Amedî de destpêkerdene roja 130in de, Hemsereka DBPyî ya verê Sebahat Tuncel û ya parlamentera HDPyî ya verê Selma Irmake ke zindan de dayê destpêkerdiş roja 99in de yê. Heto bîn ra çalakîya hepsîyê ke grevê vêşanîye ê koma yewine roja 129ine de û çalakîya hepsîyan 1ê Adare ra dima heme zindanan de vila bî. &nbsp;&nbsp;

	&nbsp;

	Çalakîya grevî ya parlamenteran

	&nbsp;

	Awanîya HDPyî bajarî de çalakîya grevê vêşanîye ya parlamenteran dewam kena. Çalakîya ke parlamentera HDPyî Dêrsim Dag 3ê Adare de da destpêkerdene û Parlamenterê Wanî Tayîp Temel û Murat Sarisaç ke 8ê Adare de dest pêkerdî zî dewam kenê.

	&nbsp;

	Kesê ke ameyî tahlîyekerdene keye de çalakîya xo dewam kenê &nbsp;

	&nbsp;

	Çalakiya Sedat Akino ke Êlih de yo 108 roj, Gurbet Ektîren 100, Mahsun Şen 110 û Mûrat Aksin 41 rojî yo Dêrikê Mêrdînî, Semra Alkana Alîaga yê Îzmîrî 108 rojî, Îhsan Sinmişo ke Kuçukçekmece yê Stenbolî de yo 57 rojî yo grev de yê çalakîya xo keye de dewam kenê. Îsmet Yilmaz, Salîh Tekin, Sevican Yaşar, Bîlal Ozgezer awanîya HDPyî yê Amedî 3ê Adare de dest bi grevê vêşanîye kerdibî û nika Îsmet Yildiz, Sevîcan Yaşar, Salîh Tekîn û Bîlal Ozezer ê ke ameyî tepiştiş û serbest ameyî veradayîş nika keyeyê xo de çalakî dewam kenê.

	&nbsp;

	Kesê ke çalakî kerdî

	&nbsp;

	Bajarê Almanya yê Krefeldî de 20ê Sibate de Ugur Şakar zî vera tecrîdî verê dadgehe de bedenê xo dabi verê adir û nêweşxane de ameyne dermankerdiş, 22yê Adare de cuya xo vindî kerdib. Zindanê Tîpê T yê Xarpetî Mahsûn Pamay, Zindanê Osmanîye Tîpê T de Siraç Yuksek, Zindanê Tîpê T F Şakranî de Yonca Akici, Zindanê Tîpê T yê Cinîyan ê Oltuyê Erziromî de Zehra Saglame, Zindanê Tekîrdagî yê Tîpa F yê Hûmara 2 de Zulkuf Gezen, Zindanê Cinîyan ê Gebzeyî de Ayten Becet û Zindanê Tîpê E yê Mêrdînî de Medya Çinare vera tecrîdê Rayberê PKKyî Abdullah Ocalanî de çalakî kerdî û peynî cuya xo ardî

	&nbsp;

	&nbsp;

	&nbsp;