Kînger û telîvankan serê tezgahan de cayê xo girewt 

2019-04-22 14:31:46


	 

	WAN - Kînger û telîvankan zozanê Derecîkî Colemêrgî de yenê komkerdiş, bazarê taxe de tezgahan ser cayê xo girewt. Şarî eleqeyêke pîl nebatanê ke weşîye rê başê ramojna.

	 

	Qezaya Derecîkî yê Colemêrgî de zozanan de nebatê sey kînger û telîvank bi germbîyayîşê hewa dir vejîyayî. Nebatê ke yenê komkerdiş, Wan de bazaran de vejîya serê tezgahan. Kîngerî hema hema serê tezgahan de cayê xo girewtî û feydeyê ci zî zaf zêde yê. Kîngerî seba dermanê rîşa merdimwere zî baş ê. Kîloyê kîngerî bi 10 TL yenê rotiş.

	 

	Xeylê werdan de yenê xebitnayene

	 

	Sarya Işike da zanayîş ke seba kîngeran bigîro ameya bazar û wina va: "Ma xeylê werdan de kînger xebitnenê. Ma kenê cacik û selete. Eynî wextî de ma qelênenê zî. Ma hak zî danê piro. Nebatê telîvank zî werdê adetî ê Wanî keledoş û girar de yenê xebitnayîş."

	 

	Saryaye arde ziwan ke kîngerî seba nêweşîyê sey roqela, gurçik û rîşa merdimwere rê baş ê û va hema hema heme zozanan zergûn benê û seba weşîye rê baş ê şar zaf gino.