Domanî bi pêkayan nê, bi herra teberî kêfweş ê 

2019-04-22 13:39:12


	 

	WAN - Domanê ke seba betonî wareyê înan kaykerdişî nêmendo, mecbur manenê ke mîyanê çar dêsan de wextê xo derbaz bikerê. Domanê Erdîşî bi germbîyayîşê hewayî dir tebervejîyayîşê teberî û bi herre dir kaykerdiş pêkayê neweyî viraştî.

	 

	Serrê peyînan de wareyê cuye heme benê beton û domanî zî mîyanê betonan de ciwîyenê. Wareyê kayê ê domanan her ke şinê  bi sînor benê û goreyê cigêrayîşan Tirkîya de her 10 domanan ra 6 heb roje ra tewr tay saetêke kêm kay kenê. Sebebê nê zî kêmbîyayîşê parqan o, bê asayîşê kuçeyan o. Goreyê cigêrayîşê ke yenê kerdene zaf girîng o ke domanî hewayê pak de wextê xo derbaz bikerê. Xoza de stresê domanan kêm beno, vîtamînê D zî gênê. Sîstemê xopawitişê înan xurt beno û hemverê alerjîyan zî xurt benê.

	 

	Domanê ke Erdîşê Wanî de cuyenê, germbîyayîşê hewayî dir kuçe de herre dir kay kenê. Domanî teber de bi herre pêkayan viraznenê û hêzê xeyalê xo xebitnenê û awankerdişê xo vejîyenê meydan.

	 

	'Ma bi herre pêkayan viraznenê'

	 

	Romana bi nameyê Delîla da zanayîş ke bi herre pêkayan viraznenê û wina va: "No ma kêfweş keno. Wexto ke ma awe kenê herre ro, bena sey mîr. ike. Ma herre ra  bebek, wesayît, qelb, vilan, dar û keye viraznenê. Dimayê ke qedêno ma danê ver rojî û wişk kenê. Zaf weş benê."

	 

	Amara zî arde ziwan ke ê bi pêkayê keye kêfweş nêbenê û va: "Dayîka ma heredêna la reyna zî tîya kaykerdiş hîna weş o."