Awanîyê modern de dimayê varanî xesar ame meydan 

2019-04-20 09:39:05


	 

	MÊRDÎN - Awanîyê TOKÎ yê Nisêbînî de 11 ebatan 7 heb bi pişke teslîmê keyeyan ame kerdene û qeza de hewteyo peyîn de seba varanê zaf kes awanîyan de bi ca nêbîyo û vejîya meydan ke xesarê pîl ameyê meydan.

	 

	Nisêbînê Mêrdînî de mabêne 2015-2016an de dimayê qedexeyan tebervejîyayîşê kuçeyan û pêrodayîşan de 6 taxîa meybî rijnayîş. Qeza de nêzdîyê 6 hezar awanîyê TOKÎ ameyî viraştiş û 4 taxî sey 11 etab ameyî visnayîş û rojê vîyarte de teslîmatê ewil ameyî kerdene. Yeno vatiş ke keyeyê ke kilîtê xo girewtê do rojê ameyox de bi ca bibê.

	 

	Pişka 7 etaban ame antene

	 

	Taxê Dîcle, Firat, Yenîşehîr û Abdulkadîrpaşa ke rijnayîş amebi meydan, aşma hamnanê 2017an de hîmê TOKÎ amebi eştene. Kilîtê ewil ê awanîyan rojê vîyarte de ameybî teslîmkerdiş. Eynî wextî de pişka etabê 7in zî rojê vîyarte de ame antene û awanî teslîmê keyeyan ame kerdene.

	 

	'Bi varanî dir xesarêke pîl vejîya meydan'

	 

	Yeno îdiakerdiş ke do keyeyî hewteyê bêro de bikewê keyey xo. Dimayê pişke sererastkerdişê derûdorî ameyo kerdene zî keyeyan keno endîşe. Qeza de hewteyê peyîn de bi varanê şilîye dir keyeyê ke hîna kes bi ca nêbîyê, yew bi yew kelepênê û hetê şarî ra çapemenîya komelî de ame parekerdene. Sîyê parkî yê awanîyan de ameyê viraştiş cayê xo ra vejîyayê. Selahîyetdarê Wezaretê Derûdor û Bajarwanî vatib 'keyeyê modern.' Dîmenê ke çapemenîya komelî de ameyî parekerdene zî keyeyan kerd endîşe.

	 

	Cewab nêdayî waştişnameyan

	 

	Dimayê ke hîm ameyî eştiş dima, nêzdîyê 40 hezar keyeyî şî Walîtiyê Mêrdînî û derheqê zirarê ekonomî de waştişname dabî. Waştişnameyê di serrî verê ameybî dayîş hema nêameyê cewabkerdene.