
Heybetê xoza bi şilîye Nîsane dir vejîya meydan 

2019-04-18 13:36:08


	&nbsp;

	Medîne Mamedoglu

	&nbsp;

	AMED - Farqîn de bi ameyîşê wisarî dir weşîyêke bi heybet vejîya meydan û çirrê bi awa vewre û şilîye pirr beno, bi dîmenê xo merdiman mat verdeno.

	&nbsp;

	Amed o ke bi tarîx û xozaya xo merdiman mat verdeno, bi şilîye Nîsane dir çirrî zî zaf weş benê. Dewa Sexte ya Farqînî de çirro ke çimeyê xozaya awe yo, cayêke bi heybet o. Çirr mîyanê rezê aîdê dewe yo û dîmenê ey sey qartpostalî yo.

	&nbsp;

	Awa herikêna cuye dana rez û baxçeyan

	&nbsp;

	Bi şilîye ke varena dir awa çeman herikêna û bena pirr, çirr zî coşê xo zêde keno. Çirr seba awa vewre û vartî wey bena, mewsîmê hamnanî awa ci kêm bena. Çirr dewijan rê wayîrî keno, qilê koyan ra herikêno deşta Êlihî. Rez û baxçeyê dewijan bi nê awe zergûn benê. Dîmenê çirrî her kesî heyran xo verdeno.

	&nbsp;