'Teber de êdî şimitişê çaye zî luks o' 

2019-04-13 10:39:27


	 

	WAN - Cinîyê ke seba krîzê ekonomî betal mendî yan zî  kargerîyê xo padayî, dîyar kerdî ke heta nika prosesêke wina nêciwîyayê û vatî êdî teber de şimitişê çaye zî luks o, umîdê înan û xeyalê înan çin bîyê.

	 

	Krîzê ekonomî ke Tirkîya de yeno ciwîyayene, bajarê Wanî de zî berardiş ameyo sewîyeya çinbîyayîşî tesîr kerdo. Bajar de her 4 kesî ra 3 kesî betal ê, koçberî zî yena ciwîyayîş û xeylê kargerî ameyê padayîş. Eynî wextî de reyna tewr zêde krîz ra tesîr bîyê zî cinî yê.

	 

	'Bi krîzî dir xeyal û keda ma çin bî'

	 

	Gonul Marti da zanayîş ke bi umîdêke pîl kargerî akerda la seba krîz mecbur menda ke pado û va: "Ma nanê tewqe, tost û çay viraştêne. La seba krîzî xeyalê nîmcet mendî. Keda ma vindî bî. Heme çî bi vay. Ma nêeşkayne kîra bidê. Ma bi xeyalê pîl kaerd la ma mecbur mendî ke kargerîyê xo padê."

	 

	'Sebebê ci îqtîdar o'

	 

	Sevîm Demîra ke kargerîyê keyeyê xo de xebityena, arde ziwan ke mecbur mendê kargerî padê û va seba krîzî hêzê girewtişî kewto û kes nêeşkeno çîyêk bigîro. Sevîme wina va: "Muşterîyê ke yenê berardişê 5 TL, 2 TL wazenê. Êdî bi vayî çîyêk nîno girewtene. Sebebê na rewşe zî îqtîdar o. Pîyê mi bi serran o esnafan rê werd virazneno. Bi krîzî dir pîyê mi kargerî pada."

	 

	'Kes êdî nêeşkeno çîyêk bigîro'

	 

	Esnaf Turkan Akdage zî da zanayîş ke seba krîzî her ca de bi tesîr bîyê û wina va: "Heme çî vay bi. Seba nê ma nêeşkenê xeylê berardişan bigîrê û muşterî zî nêeşkenê çîyan bigîrê. Welatî nika tena xidayan gênê. Ma zî nêeşkenê karê xo dewam bikerê."

	 

	Zehra Çîftçî zî Colemêrg de 3 serrî yo kafe û lokanteyan de werd amade kena, dîyar kerde ke heta ewro zehmetîyêke wina nêciwîyaya û wina va: "Kîra, şîyaye û meaşê karkeran nêvejîyeno. Verê ma bi 50 TL hacetê seba hewteyêke girewtêne. La nika qîmê di rojan nêkeno. Wexto ke vayîye zêde bibê kes zî çîyêk nêgîno. Teber de werd û şimitiş êdî bîyo luks."