Avûkatî zî 'hepsê çiman' de yê: Vera Destûrê Bingeyên û PMME yo 

2019-04-13 10:37:58


	 

	ÎZMÎR - Avûkat Nergîs Tugba Aslane dîyar kerde ke hîn zindanê Egeyî de pêvînayîşê muvekîl û avûkatan kenê binê qeydan û v nê cardişî yenê manayê îhlalkerdişê heqê adîl û eynî wextî de va, vera destûrê Bingeyên û PMMEyî yo. Nergîse arde ziwan ke ganî avûkat tena ney, baro zî vera nê vengê xo berz bikerê.

	 

	Mintiqaya Egeyî de avûkatî şî zindanê Kepsut, Denîzlî û Burhanîye, odayê pêvînayîşî de kamerayê ke ameyê bicakerdiş vînayî. Endama Komeleya Huqûqnasê Hemdem (ÇHD) ke bi KHK ame padayîş, avûkat Nergîs Tugba Aslane, da zanayîş ke nê caardişî vera huqûqî yê. Tena avûkat ney ganî baro zî bikewê tevger.

	 

	Nesrîne arde ziwan ke 59in maddaya Qanûnê Înfazî prosesê OHALî de bi KHKyî ameya serûbinkerdene û rayeya pêroyî dayê dozgerîyan. Nesrîne da zanayîş ke no qerar wextê OHALî de ardê vera huqûqî yê û wina va: "Esas de bi karê îdarî qerarêke wina nêeşkayne biameyne dayene. Karêke îdarî rê qanûn de vurnayîş ame kerdene. Ma nika zî caardişê ci vînenê."

	 

	'Maddaya 6in ê PMME, maddaya 36in Destûrê Bingeyên ameyî îhlalkerdene'

	 

	Nergîse peyîn de qiseykerdişê xo de dîyar kerde ke caardişan seba avûkatan ardê û heqê pawitişî yeno îhlalkerdene û wina va: "Eke heqê merdiman sereyîn bêro îhlalkerdene, mumkun nîyo ke merdim qalê huqûqî bikero. No îhlalkerdişêke heqê merdiman o. Ganî heme baro û pawitoxê heqê merdiman protesto bikerê. Ganî vera nê bêveng nêmanê. Ganî her kes vengê xo berz bikero."