
Cinî keraxê Keleya Wanî de şîfa kom kenê 

2019-04-12 09:16:02


	&nbsp;

	WAN - Cinîyê ke her serre aşma Nîsane de Keraxê Keleya Wanî de yenê têhet, tîya de pincar kom kenê û mîyanê xoza de kêf kenê.

	&nbsp;

	Bi ameyîşê wisarî dir, xoza rengin bî û cinî keraxê koyan û verê çeman de pincar kom kenê. Keraxê Keleya Wanî yê tarîxî saetanê nîmeroj de cinî yenê têhet û cayê awe de pincar û reşat kom kenê.

	&nbsp;

	Cinîya bi nameyê Adalet Seyhana ke her serre aşma Nîsane de yena pincar kom kena û wina va: "Bi ameyîşê wisarî dir, ma cinî şinê pey kela. Ma ûca de pincar kom kenê. Ma mîyanê xoza de kêf kenê. Ma nê nebatan werdê sey Keledoş, selete û sewbînî de xebitnenê."

	&nbsp;

	'Ma seba cuyake bi weşîye kom kenê'

	&nbsp;

	Gozel Cane zî da zanayîş ke pincaro ke kom kenê zaf bi feyde yo û wina va: "Reşat seba tansîyon, made, şekir, gurçikan zaf baş o. Ma zêde kom kenê, erzenê dolaba qeşayî û zimistanî xebitnenê."

	&nbsp;

	&nbsp;