KCDP: Aşma Adare de 27 cinî hetê camêrdan ra ameyî qetilkerdene  

2019-04-09 13:50:35


	 

	MERKEZÊ XEBERAN - Platformê Ma do Cînayetê Cinîyan Vindernî raporê aşma Adare yê 2019î eşkera kerd. Goreyê raporî aşma Adare de 27 cinî hetê camêrdan ra ameyî qetilkerdene

	 

	Platformê Ma do Cînayetê Cinîyan Vindernî (KCDP) raporê aşma Adare yê 2019î eşkera kerd. Goreyê platformo ke malumatan muracat û çapemenî ra girewto, aşma Adare de 27 cinî hetê camêrdan ra ameyî qetilkerdene.

	 

	'Stenbol de 8 cinî ameyî qetilkerdene'

	 

	Platform ard ziwan ke goreyê malumatê ke çapemenî de ameyî weşênayene îstîsmarê hemverê domanan û şîdetê cinsî yê hemverê domanan zêdîyayî û dewam kenî. Goreyê raporî Stenbol de 8, Mêrsîn de 2, Antalya de 2, Anqara de 1, Edene de 1, Bursa de 1, Erzirom de 1, Dîlok de 1, Hatay de 1, Îzmir de 1, Kirikkale  de 1, Kirklareli de 1, Kocaeli  de 1, Konya de 1, Tokat de 1, Trabzon de 1, Uşak de 1 û Gumuşhane de 1 cinî ameyî qetilkerdene.

	 

	'Cinî hetê merdimanê xo ra yenê qetilkerdene'

	 

	Goreyê raporî 27 cinîyê ke ameyî qetilkerdene ra faîlê 9 cinîyan nêameyo vînayene. 6 cinî hetê mêrdeyanê xo ra, 4 cinî hetê lajanê xo ra, 1 cinî zî hetê datê xo ra, 1 cinî zî hetê camêrdo ke fek ci ra vera dabî ra û 1 cinî zî hetê zamayê xo ra ameyî qetilkerdene. Cinîyan ra 10ê ci pê çek ameyî qetilkerdene, 3ê ci ameyî xeniqnayene û 2ê ci bi kutiş ameyî qetilkerdene.

	 

	Cinîyê ke ameyî qetilkerdene: Samira Arslan, Ayşe Demir, Sinem Gedik, Suzan H., Elmas Aksu, Fikar Talu, Hacer Cengiz, Fatma Şengul, Ayyuş Çetin, Ayşe Dayioglu, Ozlem S.,Mine Topçu, Seher Polat, Fatma Erdogan, Muslime B, Nihal Işıldar, Yeliz Y, Saadet K., Keziban Ercan, Ayşe Solmaz, Zeynep Esin, Arzu Ozkan, Leyli E., Zeynep Ozturk, Ayni D., Ebru Erdem, û jina 47 salî ya navê wê nehat zanîn.