Hemşaradara Bismilî Gulşen Ozer: Qayûm şaredarî sey eşte verda 

2019-04-07 09:34:27


	 

	AMED - Hemşaredara Bismilî Gulşen Ozere da zanayîş ke qayûmî awanîya xizmetî sey eşte verdaya û amancê înan zî o bi ke sey eşte ma rê verdê.

	 

	Weçînayîşê herêmî yê 31ê Adare de namzeda HDPyî Gulşen Ozer û Orhan Ayaza se ra  72 rayî girewtî û şaredarî qayûman ra girewtî.

	 

	Gulşene arde ziwan ke her xebata înan bi coş derbaz bîya û 7 ra heta 70 şar beşdarê xebatan bîyo û va: "Cinî û ciwan bi aktîf beşdarê xebatan bî. Bi seyan kes beşdarê xebatan bî. Şarî vartî û şilîye nêkerdî problem beşdarê xebatan bî. Partîya xo, namzedê xo tena nêverdayî."

	 

	'Serkewtiş ê şarê ma yo'

	 

	Gulşene da zanayîş ke hîna mazbatayê xo nêgirewtê û wina va: "Ma seba mazbatayan înan geyrayî. Vatî 'bêrê bigîrê.' Dima ra ma şî 'şima rê mazbatayê aydê ma çin ê.' Ma zî va ‘ma mazbata şarî ra girewt.' Ê mazbatayan nêdê zî ma do xebatan bimeşnê."

	 

	'Polîtîkayê qayûm qeza bê şaredarî verda'

	 

	Gulşene arde ziwan ke şaredariyê DBPî ke dest bi projeyê xo kerdibî, qayûm ame vera înan û projeyê înan qayûmî rê mendibî û wina va: "Bi ameyîşê qayûman dir sazgehê cinîyan ameyî hedef girewtiş. Sazgehê cinîyan ê qeza sey şaredarî yeno xebitnayîş. No ma xemgîn keno. Cayê ke nika ma ci xizmetê şaredarî bikerê sey eşte yo. Awanîya nika şaredarî ci de xizmet kena Merkezê Cinîyan o. Qayûm awanîya xizmetî yê şaredarî sey eşte verda yo. Amancê înan zî o bi ke şaredarî sey eşte verdê. La netîceyê weçînayîşî serkewtişê şarê ma yo. Ma zî heme şarê xo û embazanê xo rê sipas kenê."