Hîkayeya serkewtişê Zuleyhaye: Wexto ke merdim fek vera bido vindî keno 

2019-04-07 09:33:39


	 

	COLEMÊRG - Zuleyha Dayana ke bi Tîmê Futbolî yê cinîyan ê Hakkarîgucu serkewtişê xo serkewtişan zêde kerde, bi vindertişê xo yê xurt xeylê xebatê serkewte ca arde.

	 

	Zuleyha Dayana 25 serrî yew domana keyeyêke 16 nifûsê Colemêrg de amî dinya. Zuleyha ke xeylê futbol ra hes kerdêne, heme hukman şikna û bi vindertişê xo yê xurt xeylê serkewte bî.

	 

	Zulehaya da zanayîş ke cinî eşkenê heme çî bikerê û wina va: "Cinî bi keda xo eşkenê heme çî bikerê. Ma zîhnîyeto ke vano cinî nêeşkenê futbol kay bikerê ra va bes. Pêwa şertê zehmet mi cuyêke weş derbaz kerd. Ma 14 wayê û bira bî. Keyeyê ma hîrê oda bi. Wendegehê sereyîn û mîyanên goreyê umîdê mi derbaz nêbi. Ziwanê ma Kurdî bi. Mi wendegeh ra hes nêkerdêne. Ez bi zor serrêke şîya lîse."

	 

	'Seba ke ma Colemêrg ra bî ma kayî ra vetî'

	 

	Zuleyhaye da zanayîş ke 9 serrî verê xêrê birayê xo futbol nas kerdo û va: "Ez şîya Hakkarîgucu. Mi pêvînayîş kerd. Ez di rojan şîy antreman la vatî ke ti zaf wişk a û nêrehet bî. Mi zî tena hewl dayne ke futbol kay bikerî. Mi bi forma yê 4 numre têkoşîn da. 25ê Adara 2010an de lîsansê mi yê fermî vejîya. Mi lîgê 2yîn de dest bi futbol kerd. Ma 7 serran de şampiyonî girewt."

	 

	Zuleyhaye dîyar kerde ke belgefîlmê tîmî ameyo antene û Tirkîya de belgefîlmê înan mîyanê 200 belgefîlman de kewto mîyanê 8 hebê ewil û va sezonê 2016an de transferê Tîmê Futbulî yê cinîyan ê Falîyetê Sportîf de amade bîya. Ez nika wendekarê sinifa 4ine Beşê Fakulteya Zanistî ê Sporê yê Unîversîteya Ataturkî ya. Tîmê Cinîyan ê Futbolî yê Hakkarîgucu Lîgê 1in de ya. Cuye dewam kena. Ganî merdimî fek ci ra vera nêdê. Eke merdimî vera bidê do vindî bikerê. Eke merdimî serkewte bibê rakîb zî zêde yê."