'Keyeyê mi yê yew odayin TOKÎ ra hîna baş o' 

2019-04-04 15:29:39


	 

	ŞIRNEX - Cinîya bi nameyê Şîrîn Sorgucake ke dimayê qedexeyî tebervejîyayîşê kuçeyan de keyeyê xo ra vejîyaye û keyeyê yew odayin ke sey firine yeno xebitnayene de bi ca bî, dîyar kerde ke  bi pereyê ke seba awanîyê ke vera keyeyê aye viraştane eşkena keyeyêke newe virazno û wina va: "Keyeyê newe tede ya yew oda yo. Ma 8 kes ê. La awanîyê luks ra tewr weşo."

	 

	Dimayê qedexeyê tebervejîyayîşê kuçeyan ê Şirnexî ke mabêne 14ê Adar û 14ê Teşrîna Peyêne 2016an de ame ciwîyayîş dima ra taxê ke ameyî rijnayîş bi hemkarîye TOKÎ û Wezaretê Bajarwanî û Derûdorî 6 hezar û 731 awanî û hezar kargerî ameyî viraştiş û beşêke înan ra hema teslîmê keyeyan naêmeyê kerdene.

	 

	Verê nê de zî seba teslîmatê keyeyan wayîrê heq ra binê nameyê 'warê hempar de’ serê metrekare hezar û 170 TL ame waştiş. Welatî zî nê pereyî qebul nêkenê. Keyeyê ke nameyê înan vernê de vejîya, vatî 'ma pere nêdanê înan ma do bi nê pere keyeyê neweyan viraznê.'

	 

	'Ma do bi nê pere keyeyêke newe viraznê'

	 

	Cinîya bi nameyê Şîrîn Sorgucake ke dimayê qedexeyî 5 kîlometre dûrê qeza de firinêke nêzdîyê ocaxê madenî de bi ca bî, dîyar kerde ke bi 3 serrî yo nê keyeyê yew oda de ciwîyenê û va awanîyê TOKÎ ra tewr baş o. Şîrîne da zanayîş ke dimayê ke bar kerdê, tîya kerdê sey keye û va xeylê xo ci ra domanî 8 kes ciwîyenê û wina va: "Ma taxa Gundogdu de mendêne. Bi 3 serrî yo ma tîya de yê. Di daîreyê ma estbî. Nika TOKÎ viraştî. La seba pereyê ke wazenê ma nêeşkenê şêrê. Vernê de seba di keyeyan 80 hezar TL waştî. Ma pere nêda. Ewnîyayî ma nêşinê 15 hezar waştî. Vatî do bidê dima ra şima do kîraya xo bidê. Cuya tîya ûca ra tewr baş a. Tîya keyeyêke ma yew oda esto. Ez her roje nêweş kona. Keyeyê xo yê yew oda bi keyeyê TOKÎ dir nêvurnena."