'Zindanê Şakranî de tedayê gardîyanan zêde beno' 

2019-04-04 13:38:49


	 

	ÎZMÎR - Dayîka Şehrîvan Çoban a ke zindanê Şakranî de grevê vêşanîye de ya, Nafîye Çobane da zanayîş ke tedayî tewr zêde bîyê û va 100 gardîyanê newe ke perwerdeyê taybet vînayî ameyê girewtiş û cigêrayîşê koxuşan ê 50 gardiyanan yenê kerdene tehdîd û heqeret yenê kerdiş.

	 

	Çalakîya grevê vêşanîye ya Hemsereka KCD û Parlamentera HDPyî ya Colemêrgî Leyla Guvene ke bi amancê tecrîdê serê Rayberê PKKyî Abdullah Ocalanî bêro wedartiş dest pêkerd, roja  148ine de dewam kena. Dimayê grevê vêşanîye tedayê serê hepsî, merdimê hepsîyan, avûkat û avûkatê heqê merdiman zêde bî. Bi nameyê Şehrîvan Çobane zî Zindanê Şakranî ê A-1 15ê Sibate de kewte grev û keyeyê aye dîyar kerde ke tedayî zindanan de zêde bîyê.

	 

	'2 serrî û nîm ceza vetî 5 serran'

	 

	Şehrîvan a ke Wan de amî tepiştiş û bi îdiayê endamîya rêxistine amî tepiştiş, 4 serrî yo zindan de ya. Dayîka aye Nafîye Çobane, da zanayîş ke seba beşdarê grevê vêşanîye bîya cezaya aye 2 serrî û 6 aşmî cezaya mendebî zî vetî 5 serran.

	 

	Nafîyeye dîyar kerde ke kêna aye vato 100 gardîyanê ke perwerdeyê taybet girewtê ardê ûca û va hewteyê vîyarte de hacetê înan ê sey betanî, paspas, çarşefê zêde, cilanê zêde û çî bîn ameyî desteserkerdiş û va hûmartişî de tewr kêm 50 gardîyanî konê koxuşan rastê şîdetê vatişê sey ‘şima terorîst ê’ yenê.

	 

	'Pêvînayîşan de teda û heqaret'

	 

	Nafîyeye da zanayîş ke gardîyan pêvînayîşan de problemê vejê û wina va: "Pêvînayîşê 40 deqeyî de ma 26 deqe mendî. Her wext heqaret ro ma kerdî. Heta ma xatir waşt heqaret ro ma kerdî. Wexto ke ma qisey kerdêne hacetê goşdarkerdişî dayî ser masayê ke ma goşdar bikerê."

	 

	Nafiyeye tewr peyîn qiseykerdişê xo de da zanayîş ke kêna aye û embazê aye dîyar kerdê ke heta tecrîd peynî nêbo do peynîya grevî nêyarê û da zanayîş ke ê wazenê grev peynî bibê, waştişê înan bi ca bêrê û eynî wextî de veng dayî heme cinîyan ke vejîyê kuçeyan û rayşîyayîş bikerê.