
Cenazeya Sîraç Yuksekî amî definkerdene 

2019-04-03 13:37:34


	&nbsp;

	MÊRDÎN - Sîraç Yukseko ke seba protestokerdişê tecrîdî çalaki viraşte Nisêbîn de ame definkerdene. Dewlete tena seba ferdanê keyeyî destûr da ke tewrê cenaza bibê.

	&nbsp;

	Tepişteyê dewaya Nisêbînî Sîraç Yukseko ke Zîndanê Girewteyî yê Hûmara 2yinî yê Tîpa Tyî yê Osmanîye de seba protestokerdişê tecrîdê serê Rayberê PKKyî Abdullah Ocalanî çalakî viraştebî, cenazaya ê qezaya Nisêbînî ya Mêrdînî de amî definkerdene.

	&nbsp;

	10 kesan cenaze defin kerd

	&nbsp;

	Cenazaya ke binê tedbîranê kesifan de Dezgeyê Tibê Edlî (ATK) yê Edeneyî ra gîrîyaye hetê parlamenterê HDPyî Tûma Çelîkî, tayê merdimanê tepişteyan û xeylî îdarekaranê HDP û DBPyijan ra ameye pêşwazîkerdene. Cenazaya Sîraçî sere de amî berdene bi Camîya Haci Huseyîn Çetînî û dima ra zî amî berdene bi Goristanê Morîsî û hetê 10 kesan ra cenaze amî definkerdene. &nbsp;

	&nbsp;