Bi berardişê keda destan debara xo kena 

2019-04-03 13:29:31


	 

	COLEMÊRG - Cinîya bi nameyê Kader Çîftçîya ke şî qursan û berardişê karê destan musa, nika biberardişê ke virazena debara xo kena. Kadere ke berardişê xo vet rotiş wina va: "Ez zaf kêfweş a serê linganê xo de vindena. Ez fikrîyena ke ameyox de dikanê xo akerî.

	 

	Colemêrg de betalî zaf zêde ya û cinî berardişê destan viraznenê, bi rotişê înan debara keyeyê xo kenê. Nameyê Kader Çîftçî ya 22 serrîye dewa Reşak a Colemêrgî vera, yew a cinîyan ra ya û dîyar kena ke aye şîya qursan û çîyê ke musaya zî açernaya huner û kar.

	 

	'Her keyeyêke fabrîka yo'

	 

	Kader a ke 8 serrî yo mura viraznena, arde ziwan ke na babete de cigêrayîş kerda û dimayê ke karê xo musaya dest bi berardiş kerda. Kadere wina va: "Sey mi xeylê cinî nê karî kenê. Cinîyan keyeyê xo açernayê fabrîkayan û bererdaişê xo viraznenê."

	 

	'Ez lazimîyê keyeyê xo vejena'

	 

	Kadere dewamê qiseykerdişê xo de da zanayîş ke xeylê berardişê keda destan viraznenê û va hîn berardişî hewteyêke hîn zî rojêke viraştişê înan dewam keno û va ê goreyê modelan viraznenê û lazimîyê keyeyê xo vejenê.

	 

	Kadere wina va: "Ez berardişê xo serê çapemanîya komelî de zî roşena. Yê ke sîparîş bidê ez înan rê viraznena. Zaf girîng o ke cinî serê linganê xo de vinderê. Ez qezencêke baş kena dest. Ez hewceyê kesî nîya. Ez destê kesî ra nêewnîyena. Verê ke bizewicî, piştdayîşê dayîke mi bi. Ma pîya kerdêne. La nika ez nêpawena ke mêrdeyê mi pere bido mi. Ez pere dana ey. Karê mi baş şêro ez do dikan akerî."